ZECHARIAH 7:3 - Edisana ñwed Abasi Ibom

³ enyuŋ edɔhɔ mme oku emi edude ke ufɔk Jehovah mme udim, ye mme prophet ŋko, ete, Nte nyesuk ntua eyet ke ɔyɔhɔ ɔfiɔŋ ition, nnyuŋ ndianare idem mi mfep, nte ŋkanamde ediwak isua emi?

ZECHARIAH 7:3 Referans Kwoze

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.

MATTHEW 9:15

Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

ZECHARIAH 7:5

Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?

HAGGAI 2:11

Ntem ke Jehovah mme udim ɔdɔhɔ, ete, Bup ndien mme oku ewuhɔ, ete,

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

ECCLESIASTES 3:4

ini eke etuade, ye ini eke esakde; ini eke esemede, ye ini eke enekde;

DEUTERONOMY 33:10

Mmɔ eyeteme Jacob mme item fo, enyuŋ eteme Israel mbet fo: eyenim incense ke iso fo, enim ofuri edifɔp uwa ke itie-uwa fo.

EZRA 3:10

Ndien adaŋemi mme andibɔp etɔŋɔde ndibɔp mme temple Jehovah, mmɔ enim mme oku, esine edisine-ŋkpɔ mmɔ, ekama ukorowo, enyuŋ enim mme Levite, nditɔ Asaph, ekama cymbal, ete etoro Jehovah, nte David edidem Israel eketemede.

ZECHARIAH 7:4

Ndien uyo Jehovah mme udim osim mi, ete,