ZECHARIAH 6:11 - Edisana ñwed Abasi Ibom

¹¹ ndien da silver ye gold nam anyanya; ndien yara ke ibuot Joshua eyen Jehozadak, akwa oku;

ZECHARIAH 6:11 Referans Kwoze

ZECHARIAH 3:1

NDIEN enye owut mi Joshua akwa oku adade ke iso angel Jehovah, Satan onyuŋ ada enye ke ubɔk nnasia, ete ineni ye enye.

ŊWED MME PSALM 21:3

Koro afo eyeda ata nti enɔ edi enye ke iso; eyeda anyanya eti gold ayara enye ke ibuot.

IKWƆ SOLOMON 3:11

Mbufo nditɔ-iban Zion ewɔŋɔ ese edidem Solomon ayarade anyanya emi eka esie akayarade enye ke usen ndɔ esie, ye ke usen idaresit esie.

ERIYARARE 19:12

Enyin Esie ebiet edeme-ikaŋ, Enye onyuŋ ayara ediwak anyanya ke ibuot; enyuŋ ewet enyiŋ esin Enye ke idem, eke baba owo kiet mifiɔkke, ke mibɔhɔke Enye ke Idem Esie.

ZECHARIAH 3:5

Ndien ndɔhɔ nte, Yak mmɔ eyare enye edisana mitre ke ibuot. Ndien mmɔ eyara enye edisana mitre oro ke ibuot, enyuŋ esine enye edisine-ŋkpɔ. Ndien angel Jehovah ada do.

HAGGAI 1:1

KE udiana-akpa isua Darius edidem, ke ɔyɔhɔ ɔfiɔŋ itio-kiet, ke akpa usen ɔfiɔŋ, uyo Jehovah ke ubɔk Haggai prophet osim Zerubbabel eyen Shealtiel, ɔbɔŋ Judah, ye Joshua eyen Jehozadak akamba oku, ete,

LEVITICUS 8:9

Ndien enye ada mitre ayara enye ke ibuot; onyuŋ ada ubak gold, kpa edisana anyanya oro, adian ke mitre ke ɔkpɔ-iso esie; nte emi Jehovah okowukde Moses.

EXODUS 39:30

Ndien mmɔ enam ubak ata eti gold ke eke edisana anyanya, enyuŋ ekap ŋwed esin ke esit, nte ekapde seal, EDISANA ŊKPƆ JEHOVAH.

MME HEBREW 2:9

Edi nnyin ikut Enye, emi ekenamde Enye ekpri akan mme angel ke ini esisit kaŋa man Enye akpa mkpa, kpa Jesus, nte ayarade ubɔŋ ye ukpono man ke mfɔn Abasi Enye akpatabi mkpa ke ibuot kpukpru owo.

HAGGAI 1:14

Ndien Jehovah edemere spirit Zerubbabel eyen Shealtiel, ɔbɔŋ Judah, ye spirit Joshua eyen Jehozadak, akamba oku, ye spirit kpukpru mmɔ eke esuhɔde; ndien mmɔ edi edinam utom ke ufɔk Jehovah mme udim, Abasi mmɔ,

HAGGAI 2:4

Edi ke emi Jehovah ɔdɔhɔ ete, O Zerubbabel, sɔŋ esit; O Joshua eyen Jehozadak, akwa oku, sɔŋ esit ŋko; ofuri mbio-obio, mbufo enyuŋ esɔŋ esit ŋko-ŋko; ke edi uyo Jehovah; mbufo enyuŋ enam utom, koro ami ndude ye mbufo; ke edi uyo Jehovah mme udim:

EZRA 3:2

Ndien Jeshua eyen Jozadak ye nditɔ-ete esie mme oku edaha ke enyɔŋ, ye Zerubbabel eyen Shealtiel, ye nditɔ-ete esie, ebɔp itie-uwa Abasi Israel man ewa edifɔp uwa ke esit, kpa nte ewetde ke ŋwed ewuhɔ Moses owo Abasi.

EXODUS 29:6

ndien yara enye mitre ke ibuot, nyuŋ da edisana diadem dian ke mitre.

ERIYARARE 6:2

Ndien ŋkut, ndien sese, afia enaŋ-mbakara; andidoro enye ke edem onyuŋ enyene utiga; enyuŋ enɔ enye anyanya; ndien enye ɔwɔrɔ edikan, onyuŋ ɔdɔdiɔŋ akan.

2 SAMUEL 12:30

Enye onyuŋ ayarare edidem mmɔ anyanya, emi odobide a talent gold, ye itiat nsɔŋurua, ke ibuot efep: mmɔ enyuŋ eda enye eyara David ke ibuot. Enye onyuŋ obume mbume obio ata ediwak:

EZRA 10:18

Ndien mmɔ ekut ete ke ndusuk nditɔ mme oku ema edɔ isen iban: ke otu nditɔ Jeshua eyen Jozadak, ye nditɔ-ete esie; Maa-seiah, ye Eliezer, ye Jarib, ye Gedaliah.

ZECHARIAH 6:14

Ndien Helem ye Tobijah ye Jedaiah ye Hen, eyen Zephaniah, eyeda mme anyanya emi ke ŋkpɔ eriti ke temple Jehovah.