ZECHARIAH 5:3 - Edisana ñwed Abasi Ibom

³ Ndien enye ɔdɔhɔ mi, ete, Emi edi isuŋi eke ɔwɔrɔde asaŋa ke iso ofuri isɔŋ: koro eyesɔhi kpukpru inɔ ke edem emi efep, nte enye asaŋade; enyuŋ esɔhi kpukpru owo eke etomode ke edem eken efep,

ZECHARIAH 5:3 Referans Kwoze

EXODUS 20:15

Kuyip inɔ.

ISAIAH 48:1

EKOP ŋkpɔ emi, mbufo ufɔk Jacob, emi ekerede enyiŋ Israel, emi ekenyuŋ etode ke mmɔŋ Judah, emi etomode enyiŋ Jehovah, enyuŋ etiŋde enyiŋ Abasi Israel, edi idige ke akpanikɔ, inyuŋ idige ke eti ido.

ISAIAH 43:28

Ndien nyesabare ndisana mbɔŋ, nnyuŋ nda Jacob nnɔ nsobo, nda Israel nnɔ nduari.

ISAIAH 24:6

Oro esin isuŋi adiade isɔŋ, enyuŋ enɔ mme andiduŋ ke esit ufen: oro esin mme andiduŋ isɔŋ efɔbɔde, mbio emi esuhɔde enyuŋ edi esisit.

JAMES 5:12

Akpa-akpan, nditɔ-ete mi, ekutomo ŋkpɔ. Ekutomo enyɔŋ, mme isɔŋ mme baba ŋkpɔ efen.Edi yak Ih mbufo edi Ih, Ih mbufo onyuŋ edi Ih, mbak ikpe edibiom mbufo.

MALACHI 4:6

ndien enye eyekabare esit mme ete ɔnɔ nditɔ, eyekabare esit nditɔ ɔnɔ mme ete mmɔ, mbak ndida ata nsobo ndimia idut emi.

ZECHARIAH 5:4

nte enye asaŋade. Jehovah mme udim ɔdɔhɔ ete, Nyeda enye ŋwɔrɔ, ndien enye eyeduk ke ufɔk inɔ, ye ke ufɔk owo eke otomode nsu-nsu ke enyiŋ mi: ndien enye eyeduŋ ke ufɔt ufɔk esie, onyuŋ osobo ufɔk ye eto esie, ye itiat esie.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

LEVITICUS 19:12

Mbufo ekunyuŋ etomo enyiŋ mi esin ke nsu; kunyuŋ ubiat enyiŋ Abasi fo: ami ndi Jehovah.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

1ŊWED TIMOTHY 1:9

inamke ibet inɔ nti owo, edi enam enɔ mme abiat-ibet ye mbon nsɔŋ-ibuot, ye mmɔ emi miteŋeke Abasi, ye me anam idiɔk, ye owo esit ndek,

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.

LUKE 21:35

koro usen oro eyesim kpukpru mmɔ emi eduŋde ke iso isɔŋ.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ZECHARIAH 8:17

mbufo ekunyuŋ ekere idiɔk kiet ye kiet, ke esit mbufo; ekunyuŋ ema uŋwɔŋɔ nsu: koro kpukpru ŋkpɔ emi edi se ami nsuade, Jehovah ɔdɔhɔ.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

JEREMIAH 23:10

Koro mme esin-efibe eyɔhɔde ke isɔŋ; koro isɔŋ atuade abaŋa isuŋi; mbiet wilderness emesat, ndien ido mmɔ ɔdiɔk, odudu mmɔ inyuŋ inenke.

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

MME ŊKE 30:9

Mbak ndiyuhɔ, ndien ŋkaŋ fi, ndien ndɔhɔ nte, Anie edi Jeho-vah? Mbak ndinyuŋ mbuene, ndien nyip inɔ, nnyuŋ nsuene enyiŋ Abasi mi.

MME ŊKE 29:24

Owo eke abuanade ŋkpɔ ye inɔ, asua uwem esiemɔ: enye eyekop nte ewukde, edi iyarakede.

MME ŊKE 3:33

Isuŋi Jehovah odu ke ufɔk mme idiɔk owo: edi enye eyediɔŋ iduŋ mmɔ eke enende.

LEVITICUS 19:11

Mbufo ekuyip inɔ, ekunyuŋ ebiaŋa abiaŋa, kiet okunyuŋ osu nsu ɔnɔ kiet.

AMOS 3:10

Jehovah ɔdɔhɔ, ete, Mmɔ ifiɔkke ndinam se inende, mmɔ ekɔ afai ye mbume ebon ke ikpɔ ufɔk mmɔ.

JOSHUA 9:20

Yak nnyin inam ntem ye mmɔ; inyuŋ inim mmɔ uwem, mbak iyaresit editiene nnyin, abaŋa uŋwɔŋɔ emi nnyin ikɔŋwɔŋɔde inɔ mmɔ.

EZEKIEL 2:9

Ndien ami nse, ndien, sese, enyanare ubɔk enɔ mi: ndien, sese, ikpa-ŋwed odu enye ke esit;