ZECHARIAH 2:8 - Edisana ñwed Abasi Ibom

⁸ Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

ZECHARIAH 2:8 Referans Kwoze

ŊWED MME PSALM 17:8

Kpeme mi nte eyen enyin, fuk mi ke mfut mba fo,

DEUTERONOMY 32:10

Enye okokut enye ke isɔŋ desert, ye ke wilderness, ebiet emi mme unam etuade; akan enye okuk, onyuŋ etiŋ enye enyin ke idem, ekpeme enye nte eyen enyin.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

2 ŊWED THESSALONICA 1:6

Edieke enende Abasi ke enyin ndida ukut nsio usiene nnɔ mmɔ emi esinde mbufo ekut ukut,

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

ZEPHANIAH 2:8

Ŋkokop esuene Moab, ye isuŋi nditɔ Ammon, emi mmɔ esuenede ikɔt mi, enyuŋ eseride iseri ebaŋa adaŋa mmɔ

HABAKKUK 2:8

Koro afo owode ediwak mme idut, kpukpru mme idut eke esuhɔde eyenyuŋ ebume fi, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

MICAH 5:6

ndien mmɔ eyedia isɔŋ Assyria ke ofut, ye isɔŋ Nimrod ke inua-otop esie: ndien enye eyenyaŋa nnyin osio Assyria ke ubɔk ke adaŋemi enye odukde ke isɔŋ nnyin, ke enye onyuŋ edigide ŋkpɔ ke esit adaŋa nnyin.

MICAH 4:11

Ndien ke emi ediwak mme idut emesop idem ebaŋa fi, eke edɔhɔde, ete, Yak esabare enye, yak enyin nnyin enyuŋ ese Zion.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

AMOS 1:11

Ntem ke Jehovah ɔdɔhɔ, ete, Idiɔk ido Edom ita ye inaŋ iyakke mi ŋkabare enye (ufen) mfep; koro enye akadade ofut ebine eyen-ete esie, onyuŋ ɔduɔk mbɔm, iyaresit esie onyuŋ osuk awai ke nsinsi, enye onyuŋ ɔkɔhɔde ifuresit esie ke nsinsi.

AMOS 1:9

Ntem ke Jehovah ɔdɔhɔ, ete, Idiɔk ido Tyre ita ye inaŋ iyakke mi ŋkabare enye (ufen) mfep: koro mmɔ ekemende ofuri mbon ntaŋ-mfep eyak enɔ Edom, ndien mitihi ediomi nditɔ-ete.

EZEKIEL 35:5

Koro afo enyenede nsinsi udu, onyuŋ emende nditɔ Israel ɔnɔ ke ubɔk ofut ke ini ŋkpɔ anamde mmɔ, ke ini akpatre idiɔk ido.

EZEKIEL 26:2

Eyen owo, koro Tyre ɔdɔhɔde abaŋa Jerusalem, ete, Aha! enyin-usuŋ mme idut ɔmɔbuŋɔ enye amakabare etiene mi: ami nyeyuhɔ, enye omosobo.

EZEKIEL 25:15

Ntem ke Ɔbɔŋ Jehovah ɔdɔhɔ, ete, Koro mme Philistine enamde ntem ke usiene, enyuŋ esiode usiene ke iseri eke odude ke esit, enyuŋ emade ndisobo enye ke nsinsi usua;

EZEKIEL 25:12

Ntem ke Ɔbɔŋ Jehovah ɔdɔhɔ, ete, Koro Edom enamde ufɔk Judah ke erisio usiene, enyuŋ eduede isop eti-eti, enyuŋ esiode usiene ye mmɔ:

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

GENESIS 20:6

ubɔk. Ndien Abasi ɔdɔhɔ enye ke ndap, ete, Ami ŋko mmɔfiɔk nte afo anam ŋkpɔ emi ke eti esit; Ami ŋkonyuŋ ŋkpan fi ndidue mi: mmɔdo mmeŋkayakke fi otuk enye.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 2:9

Koro, sese, nyenyeŋe ubɔk mi nse mmɔ, ndien mmɔ eyekabare edi se ifin mmɔ ebumede: ndien mbufo eyefiɔk ete ke Jehovah mme udim ɔmɔdɔŋ mi utom.

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

HABAKKUK 2:17

ikpɔhi ye but eyenyuŋ edoro ke ubɔŋ fo. Koro afai Lebanon eyefuk fi, ye nsobo mme unam emi ekesinde mmɔ ndik, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

MME ŊKE 7:2

Nim mme ewuhɔ mi, ndien du uwem; nim ido mi nte eyen enyin fo.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

EZEKIEL 26:20

ke ndidade fi nsuhɔre ye mmɔ eke esuhɔrede ke obube, ke ɔtɔ mbon eset, nyenyuŋ nnam fi oduŋ ke ata idak isɔŋ ke ebiet oro ekebiarade tutu ko; ye mmɔ eke esuhɔre ke obube, man owo okuduŋ fi ke esit; man ŋkunim fi ke ubɔŋ ke isɔŋ mme odu-uwem.

EZEKIEL 38:14

Enyen owo, tiŋ ndien prophecy, nyuŋ dɔhɔ Gog, ete, Ntem ke Ɔbɔŋ Jehovah ɔdɔhɔ, ete, Nte afo udufiɔkke ke usen eke ikɔt mi Israel ediduŋde ke ifure?

ISAIAH 49:19

Koro mme ebiet fo emi ewurede enyuŋ esomode, ye isɔŋ fo emi abiarade, eyefaha ke emi ekan mme andiduŋ; mmɔ eke ediade fi eyenyuŋ eyom usuŋ.

EZEKIEL 36:11

nyenyuŋ nnam owo ye ufene ewak ke enyɔŋ mbufo; ndien mmɔ eyewak enyuŋ etɔt: nnyuŋ nyak mbufo edaŋ kpa nte ke eyo oko, nnyuŋ mfɔn ido ye mbufo ŋkan nte ŋkɔfɔnde ke eritɔŋɔ mbufo: ndien mbufo eyefiɔk ete ke ami ndi Jehovah.

EZEKIEL 38:11

Nyedɔk ke isɔŋ obio iŋwaŋ; nyesim mmɔ eke etiede ke ifure, emi eduŋde ke ndueidem, kpukpru mmɔ eduŋ enana ibibene, eto usuŋ ye itim inyuŋ iduhe,

ZECHARIAH 8:5

Ndien nditɔ-iren ye nditɔ-iban eyenyuŋ eyɔhɔ ke aŋwa obio emi, ke ebre mbre ke aŋwa esie.