ZECHARIAH 2:11 - Edisana ñwed Abasi Ibom

¹¹ Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 2:11 Referans Kwoze

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

ISAIAH 45:14

Emi edi uyo Jehovah mme udim. Ntem ke Jehovah ɔdɔhɔ, ete, Utom Egypt ye udori Ethiopia, ye eke mme Sabean, nyan owo, eyebe etiene fi, enyuŋ enyene fi: eyetiene fi eka; ke ŋkpɔkɔbi ke mmɔ edibe, enyuŋ enuhɔ enɔ fi, enyuŋ ekpe fi ubɔk, ete, Abasi odu ke otu mbufo ikpɔŋ: efen inyuŋ iduhe, Abasi iduhe.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ZECHARIAH 3:10

Jehovah mme udim ɔdɔhɔ, ete, Ke usen oro mbufo kpukpru eyekot mbɔhiduŋ mbufo ke idak vine ye ke idak eto fig.

EZEKIEL 33:33

ndien ke ini enye edide (sese, ke edi) mmɔ eyefiɔk, ndien, ete ke prophet kiet okodu ke otu mmɔ.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ŊWED MME PSALM 72:17

Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

EXODUS 12:49

Yak enim ido kiet, ekpedi amana do, okponyuŋ edi esen owo eke oduŋde ke otu mbufo.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 2:5

Jehovah onyuŋ ɔdɔhɔ, ete, Ami nyedi ibibene ikaŋ ŋkan enye ŋkuk, nyenyuŋ ndi ubɔŋ ke ufɔt esie.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

ISAIAH 52:11

Mbufo edaŋa! edaŋa! ewɔŋɔ ke esit! ekutuk ŋkpɔ ndek: ewɔŋɔ enye ke ufɔt; mbufo emi ebiomde ŋkpɔ utom Jehovah, enam idem mbufo esana.

JEREMIAH 50:8

Mbufo edaŋa ke ufɔt Babylon efeŋe, enyuŋ eto ke isɔŋ mme Chaldean ewɔŋɔ, enyuŋ ebiet mme okpo ebot ke iso ufene.