ZECHARIAH 13:8 - Edisana ñwed Abasi Ibom

⁸ Jehovan onyuŋ ɔdɔhɔ, ete, Ndien ama ekem, eyesibe mbak iba ke ofuri isɔŋ ewot; edi ɔyɔhɔ ubak ita eyesuhɔ ke esit.

ZECHARIAH 13:8 Referans Kwoze

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.

MARK 13:20

Koro mikpedige nte Ɔbɔŋ ama esibe mme usen oro emuhɔ, baba owo kiet ikpɔbɔhɔke: edi kabaŋa ndimek ikɔt Esie, emi Enye emekde, Enye ama esibe mme usen oro emuhɔ.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

ISAIAH 66:24

Ndien mmɔ eyewɔŋɔ, ekese okpo mmɔ emi ekesɔŋde ibuot ye ami: koro ndɔŋ mmɔ midikpaha, ikaŋ mmɔ midinyuŋ inimeke; ndien mmɔ eyedoro kpukpru obukidem ndidien.

EZEKIEL 20:38

ndien nyekpɔri mbon nsɔŋ-ibuot ke otu mbufo mfep, ye mmɔ emi eduede mi: nyesio mmɔ ke isɔŋ emi mmɔ eduŋde ke esit, ndien mmɔ ididukke ke isɔŋ Israel. Ndien mbufo eyefiɔk ete ke ami ndi Jehovah.

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

ZEPHANIAH 3:12

Nyenyuŋ nsuhɔ mbio unana ye nditɔ ubuene ke ufɔt mbufo, ndien mmɔ eyebuɔt idem ke enyiŋ Jehovah.