ZECHARIAH 13:2 - Edisana ñwed Abasi Ibom

² Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

ZECHARIAH 13:2 Referans Kwoze

1 NDIDEM 22:22

Ndien Jehovah obup enye, ete, Ke nso? Ndien enye ɔbɔrɔ ete, Nyewɔrɔ ŋkakabare ndi spirit nsu ke inua kpukpru prophet esie. Ndien enye ete, Afo eyetap, eyenyuŋ ekeme ŋko:

HOSEA 2:17

Ndien nyesio enye enyiŋ Baalim ke inua mfep, idinyuŋ idaha aba enyiŋ mmɔ iti mmɔ.

EXODUS 23:13

Mbufo enyuŋ ekpeme idem mbufo ke kpukpru se ndɔhɔde mbufo: ekunyuŋ ebaŋa enyiŋ Abasi efen: kuyak ekop enye ke inua fo.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 30:13

Ntem ke Ɔbɔŋ Jehovah ɔdɔhɔ ete, Nyenyuŋ nsobo ibɔk, nnyuŋ nnam mbukpo ibɔk mmɔ etre ke Noph; ndien Ɔbɔŋ isɔŋ Egypt ididuhe aba; nyenyuŋ nda ndik ndori isɔŋ Egypt.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

LUKE 11:20

Edi edieke ndade nnuen-ubɔk Abasi mbin mme demon nduɔk, Ubɔŋ Abasi ama osim mbufo.

MATTHEW 12:43

Edi ke ini edidehe spirit ɔwɔrɔde owo ke idem, enye asaŋa oyo ke edisat ebiet, oyom nduɔk-odudu, ndien ikwe.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

EZEKIEL 14:9

Ndien edieke ebiaŋade prophet oro, ndien enye ɔdɔhɔ ikɔ: edi ami Jehovah ŋkabiaŋa prophet oro, ndien ami nyenyan ubɔk mi ntuk enye, nnyuŋ nsobo enye ke otu ikɔt mi Israel mfep.

EZEKIEL 13:23

mbufo ekuse aba abiaŋa ndien, ekunyuŋ ebre aba mfa; koro nyesioŋo ikɔt mi ke ubɔk mbufo: ndien mbufo eyefiɔk ete ke ami ndi Jehovah.

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

ISAIAH 2:20

Ke usen oro owo eyeda ibɔk silver esie, ye ibɔk gold esie, eke ekenamde enɔ enye, ete okpono, ɔduɔk ɔnɔ oyit ye emiaŋ;

ISAIAH 2:18

Ndien ibɔk kpukpru eyetak.

ŊWED MME PSALM 16:4

Ukut mmɔ awak: mmɔ etiene (Abasi) eŋwen: ndiŋwaŋke ediŋwɔŋ uwa iyip mmɔ, ndinyuŋ mmenke enyiŋ mmɔ nsin ke inua mi.

JOSHUA 23:7

man mbufo ekuduk ke otu mme idut emi, kpa mme mmɔ emi esuhɔde ke otu mbufo, ekunyuŋ ekot enyiŋ mme abasi mmɔ, ekunyuŋ enam owo otomo (mmɔ), ekunyuŋ enam ŋkpɔ mmɔ,

DEUTERONOMY 12:3

mbufo enyuŋ ewuri mme itie-uwa mmɔ, enyun ebom mme adaha itiat mmɔ, enyuŋ efɔp mme eto-mkpe mmɔ ke ikaŋ enyuŋ esai edisɔi mbiet mme abasi mmɔ, enyuŋ esobo enyiŋ mmɔ ke ebiet oro efep.

EXODUS 22:13

Edieke ewaide enye mbak-mbak, yak enye ada enye edi nte ntiense; enye okusio usiene ke se ewaide.

ERIYARARE 18:2

Ndien enye ofiori ke ɔkpɔsɔŋ uyo ete, Akwa Babylon ɔmɔduɔ, ɔmɔduɔ, omonyuŋ akabare edi iduŋ mme demon, ye itie udibe kpukpru spirit ndek, ye itie-udibe kpukpru ndidehe inuen eke owo esuade:

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

HOSEA 14:8

“Ami Ephraim nsaŋa nso ŋko ye ibɔk?” “Ami nyere: nyenyuŋ ntiŋ enye enyin ke idem:” “Ami mbiet awawa cypress.” “Ekut nte mfri fo otode mi.”

EZEKIEL 6:6

Mme obio eyewure ke kpukpru ebiet iduŋ mbufo, ŋkokoŋo ebiet eyenyuŋ ebiara, man mme itie-uwa mbufo ekpesobo, enyuŋ edi ndon, mme ibɔk mbufo enyuŋ enuaha enyuŋ ekure, man mbiet ŋkpɔ mbufo esiaha, man enyuŋ esɔhi utom mbufo efep.

EZEKIEL 12:24

Koro baba nsunsu ŋkukut, ye nnem-inua idiɔŋ mididuhe aba ke otu ufɔk Israel.

EZEKIEL 36:29

Ndien nyenyaŋa mbufo nsio kpukpru ndek mbufo mfep: nyenyuŋ ŋkot ibokpot edi, nnyuŋ nnam enye awak, ndinyuŋ ndorike mbufo akaŋ.

DEUTERONOMY 18:20

Edi ama edi prophet eke edisɔŋde ibuot ada ikɔ eke mmeŋketemeke enye nte ɔdɔhɔ, ɔdɔhɔ ke enyiŋ mi, ye eke ɔdɔhɔde ikɔ ke enyiŋ mme abasi efen, yak ewot kpa prophet oro.

EZEKIEL 43:7

Ndien enye ɔdɔhɔ mi, ete, Eyen owo, emi edi ebiet ebekpo mi, ye ebiet ikpat-ukot mi, emi ndiduŋde ke esit ke otu nditɔ Israel ke nsinsi. Ndien ufɔk Israel ye ndidem mmɔ idisabakede aba edisana enyiŋ mi, ke use mmɔ, ye ke mme okpo ndidem mmɔ ke ŋkokoŋo ebiet mmɔ.

HOSEA 2:19

Ndien nyebem fi nnim nnɔ idem mi ke nsinsi; ŋkɔm nyebem fi nnim nnɔ idem mi ke edinen ido, ye ke ikpe, ye ke ima, ye ke mfɔn.