ZECHARIAH 12:2 - Edisana ñwed Abasi Ibom

² Sese, ami mmɔŋ nnim Jerusalem ke cup nnyek-idem nnɔ kpukpru mme idut emi ekande ekuk; ndien ŋko enye eyena ɔnɔ Judah ke ukuk eke mmɔ ekande Jerusalem ekuk.

ZECHARIAH 12:2 Referans Kwoze

ZECHARIAH 14:14

Ndien ŋko Judah eyeŋwana ye Jerusalem; ndien eyebin inyene kpukpru mme idut emi ekande ekuk, kpa gold, ye silver, ye edisine-ŋkpɔ ata ediwak.

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

ERIYARARE 18:6

Nɔ enye usiene kpa nte enye ɔkɔnɔde, nyuŋ nɔ enye ubiom-ikpe esie utim ikaba, nte ekemde ye se enye akanamde. Ke cup emi enye akabuakde ŋkpɔ ke esit ebuak enɔ enye utim ikaba.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

HABAKKUK 2:16

But ɔyɔhɔ fi ke idem, idige ubɔŋ: afo ŋwɔŋ ŋko; ndien eyekut ete ke unaŋa mbobi: cup ubɔk nnasia Jehovah eyekanade osim fi:

JEREMIAH 51:57

Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

JEREMIAH 51:7

Babylon ekedi cup o-gold ke ubɔk Jehovah, eke esinde ofuri ererimbot eŋwɔŋ ekpa: mme idut ekeŋwɔŋ wine esie; mmɔdo mme idut edamade idat.

JEREMIAH 49:12

Koro ntem ke Jehovah ɔdɔhɔ, ete, Sese, mmɔ eke mikenyeneke ndiŋwɔŋ cup oro iketreke ndiŋwɔŋ; nte afo edibɔhɔ ndien? Udubɔhɔke bɔhɔ: koro mudutreke ndiŋwɔŋ.

JEREMIAH 25:17

Ndien mbɔ Jehovah cup oro ke ubɔk, nda nnɔ kpukpru mme idut oro Jehovah ɔkɔdɔŋde mi utom ke otu mmɔ, nte eŋwɔŋ:

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

ZECHARIAH 14:2

Nyenyuŋ mbon kpukpru mme idut ndi Jerusalem, nte eŋwana ekɔŋ; ndien mmɔ eyeda obio, enyuŋ ebume ufɔk, enyuŋ esabare iban; ndien etaŋ ubak obio enyɔŋɔ nte mbuot-ekɔŋ, ndien idisibeke mbio eke esuhɔde ke obio ifep.