ZECHARIAH 12:1 - Edisana ñwed Abasi Ibom

¹ MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,

ZECHARIAH 12:1 Referans Kwoze

ISAIAH 42:5

Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

JEREMIAH 51:15

Enye akanam ererimbot ke odudu esie, owuk ekondo ke ifiɔk esie, onyuŋ eneŋere ikpa-enyɔŋ ke ɔniɔŋ esie.

ISAIAH 57:16

Koro mmeditɔhɔke utɔk ke nsinsi, ndinyuŋ nyatke esit tutu amama: koro spirit eyekpa ke iso mi, kpa mme ukpɔŋ emi ami ŋkanamde.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?

ISAIAH 48:13

Ubɔk mi ŋko okonim ererimbot ke itie esie, ubɔk nnasia mi onyuŋ eneŋere ikpa-enyɔŋ: ŋkot mmɔ edi, mmɔ edaha eda ini kiet.

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ECCLESIASTES 12:7

Ndien ntan eyefiak ke ntan, kpa nte ekedide: spirit eyefiak etiene Abasi emi ɔkɔnɔde enye.

NUMBERS 16:22

Ndien mmɔ eduɔ ke isɔŋ ekubi iso mmɔ ete, O Abasi, Abasi spirit kpukpru owo, nte afo eyeyat esit ye ofuri esop, koro owo kiet eduede?

GENESIS 2:7

Ndien Jehovah Abasi obot owo ke ntan-isɔŋ, onyuŋ ɔduɔk ibifik uwem esin ke odudu ibuo esie; ndien owo akabare edi ukpɔŋ eke odude uwem.

EZEKIEL 18:4

Sese, kpukpru ukpɔŋ enyene mi; ukpɔŋ ete ebiet eke eyen, mmɔ edi okimmɔ: ukpɔŋ eke anamde idiɔk eyekpa mkpa.

JEREMIAH 38:16

Ndien edidem Zedekiah ɔŋwɔŋɔ ɔnɔ Jeremiah ndibe-ndibe, ete, Ma uwem Jehovah emi anamde nnyin idi ukpɔŋ emi, ndiwotke fi ndinyuŋ nsinke fi ke ubɔk mmɔ eke eyomde uwem fo.

JEREMIAH 30:16

Mmɔdo eyedia kpukpru mmɔ eke ediade fi; kpukpru mme asua fo, kpukpru mmɔ eyeka ke otu mbon ntaŋ-mfep; ndien mmɔ eke ebumede fi eyedi se edibumede: nyenyuŋ nda mmɔ eke ewode fi nnim ke se ewode.

ŊWED JOB 26:7

Enye anyanare edem edere ebri ke enyɔŋ ukpɔk ebiet, onyuŋ ɔkɔŋ ererimbot ke ikpikpu.

JEREMIAH 10:12

Enye akanam isɔŋ ke odudu esie, ada ifiɔk esie owuk ererimbot ke itie esie, onyuŋ eneŋere ikpa-enyɔŋ ke asian esie.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

ISAIAH 40:22

Enye emi odorode ke ekara ererimbot, ndien mme andiduŋ enye ebiet ŋkukuŋkpɔyɔriyɔ; emi anyanarede ikpa-enyɔŋ nte ukara, onyuŋ eneŋerede enye nte tent eke eduŋde:

ISAIAH 40:12

Anie odomo mmɔŋ ke eka-ubɔk esie, onyuŋ ada eka-ubɔk odomo enyɔŋ, onyuŋ akama ntan isɔŋ ke udomo-ŋkpɔ, onyuŋ odomo udop ikpɔ obot ke scales, ye ekpri obot ke balance?

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

MALACHI 1:1

MBIOMO UYO JEHOVAH EMI OKOTODE UBƆK MALACHI OSIM ISRAEL.

ZECHARIAH 9:1

MBIOMO uyo Jehovah ke isɔŋ Hadrach, ndien Damascus eyedi ebiet nduɔk-odudu esie: koro owo ye kpukpru mme esien Israel eyetiŋ enyin ke Jehovah.

JOEL 3:21

Ndien nyedahado ke iyip mmɔ emi mmeŋkedahakedo ke esit: koro Jehovah oduŋde ke Zion.

JOEL 3:19

Egypt eyekabare edi obukpo, Edom eyenyuŋ akabare edi ikpikpu wilderness, oto ke afai emi mmɔ ekenamde nditɔ Judah, koro mmɔ ekeduɔkde iyip owo eke miduehe isop ke isɔŋ mmɔ.

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

JEREMIAH 50:34

Andifak mmɔ edi ɔkpɔsɔŋ, Jehovah mme udim edi enyiŋ esie: enye iditreke ndikpe ikpe mmɔ, man anam isɔŋ etie suŋ, onyuŋ anam mme andiduŋ Babylon enyek idem.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

ŊWED JOB 37:18

Nte afo etiene Enye eneŋere ikpa-enyɔŋ emi ɔsɔŋde nte ukutiso eke etarade ŋkpɔ enam?

GENESIS 1:8

Ndien mbubreyo ye usenubok edi udiana akpa usen.

ŊWED MME PSALM 134:3

Jehovah emi akanamde enyɔŋ ye isɔŋ, eyetie ke Zion ɔdiɔŋ fi.