ZECHARIAH 11:9 - Edisana ñwed Abasi Ibom

⁹ Ndien ndɔhɔ nte, Ndibɔkke mbufo: se ikpade yak akpa; yak enyuŋ esibe se eyomde ndisibe efep; ndien ama edi se isuhɔde, yak kiet ata obukidem kiet eken.

ZECHARIAH 11:9 Referans Kwoze

JEREMIAH 43:11

Ndien enye eyedi edisuan isɔŋ Egypt, ada eke mkpa ɔnɔ mkpa; ataŋ eke ntaŋ-mfep efep, ada eke ofut ɔnɔ ofut.

ERIYARARE 22:11

Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

JOHN 8:24

Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

JOHN 8:21

Ntre ke Jesus ɔtɔŋɔ ntak ɔdɔhɔ mmɔ ete, Ami mmɔŋ ndinyɔŋ, ndien mbufo eyeyom Mi, edi eyekpaŋa ke mme idiɔk-ŋkpɔ mbufo; ɔtɔ nte Ami ŋkade, mbufo ikemeke ndika do.

MATTHEW 21:43

Mmɔdo ndɔhɔ mbufo nte, Eyebɔ mbufo Obio Ubɔŋ Abasi, eyak enɔ idut emi ediŋwumde mfri esie.

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

EZEKIEL 5:10

Mmɔdo mme ete eyeta nditɔ ke ufɔt fo, nditɔ eyenyuŋ eta mme ete mmɔ; nyenyuŋ ŋkpe ikpe ke otu mbufo, nnyuŋ ŋkpɔri ofuri nsuhɔ fo mfep nsin ke kpukpru mme ofum.

JEREMIAH 23:39

ami nyefre mbufo tak-tak nnyuŋ nsio mbufo ye obio emi ŋkɔnɔde mbufo ye mme ete mbufo ke iso mi nduɔk:

JEREMIAH 23:33

Ndien ke ini mbio-obio emi edide prophet, onyuŋ edide oku, edibupde fi, ete, Nsidi uyo Jehovah? Dɔhɔ mmɔ, ndien, ete, Nso uyo? Ŋkɔm nyekpɔŋ mbufo: Jehovah ɔdɔhɔ.

JEREMIAH 19:9

Ndien nyeda obukidem nditɔ-iren mmɔ, ye obukidem nditɔ-iban mmɔ nnɔ mmɔ eta, kpukpru owo eyenyuŋ eta obukidem mbɔhiduŋ mmɔ ke ukuk obio, ye ke mbaba emi mme asua mmɔ, ye mmɔ eke eyomde uwem mmɔ edisinde mmɔ.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

ZECHARIAH 13:8

Jehovan onyuŋ ɔdɔhɔ, ete, Ndien ama ekem, eyesibe mbak iba ke ofuri isɔŋ ewot; edi ɔyɔhɔ ubak ita eyesuhɔ ke esit.