ZECHARIAH 11:8 - Edisana ñwed Abasi Ibom

⁸ Ndien nsibe mme ekpemerɔŋ mbita mfep ke ɔfiɔŋ kiet; ndien esit mi asua mmɔ, esit mmɔ onyuŋ asua mi.

ZECHARIAH 11:8 Referans Kwoze

JOHN 15:18

Edieke ererimbot asuade mbufo, mbufo emɔfiɔk ete, enye ama ebem iso asua Mi, ndien edisua mbufo.

JOHN 7:7

Ererimbot ikemeke ndisua mbufo; edi asua Mi, koro Ami nditiŋde ikɔ-ntiense ndian enye nte, se enye anamde ɔdiɔk.

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

MME HEBREW 10:38

Edi edinen owo Mi edidu uwem ke mbuɔtidem: Ndien edieke enye edikhede afiak edem, ukpɔŋ Mi idikopke inemesit ke enye.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

JEREMIAH 14:21

Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 12:8

Udeme mi amakabare etie ye ami nte lion ke akai; enye osioro uyo esie abaŋa mi: oro esin mi nsua enye.

ŊWED MME PSALM 106:40

Ndien iyaresit Jehovah obumere ye ikɔt esie, enye onyuŋ asua udeme esie eti-eti.

DEUTERONOMY 32:19

Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.

LEVITICUS 26:44

Edi okposuk edidi ntre, ke ini mmɔ edidude ke isɔŋ mme asua mmɔ, ndiduɔkke mmɔ, ndinyuŋ nsuaha mmɔ, nte nsobode mmɔ fap-fap, nte nnyuŋ mbiatde ediomi emi ŋkodiomide ye mmɔ: koro ami ndide Jehovah Abasi mmɔ.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

LEVITICUS 26:11

Ndien ami nyenyuŋ nnim ebiet-iduŋ mi ke otu mbufo: esit mi idinyuŋ isuaha mbufo.

LUKE 12:50

Edi mmenyene baptism eke edinimde Mi; ndien ndu ke mbaba adaŋa didie tutu enam enye ema!

ŊWED MME PSALM 78:9

Nditɔ Ephraim, emi ekamade ŋkpɔ ekɔŋ, enyuŋ etopde utiga, ekpa edem ke usen ekɔŋ.

ŊWED MME PSALM 5:5

Mbon iseri ididaha fi ke iso: afo asasua kpukpru mme anam idiɔk ido.

JEREMIAH 6:30

Eyekot mmɔ, ete obukpo silver, koro Jehovah esede mmɔ ke mbukpo.

EZEKIEL 14:5

man nda esit ufɔk Israel mmum mmɔ: koro ibɔk mmɔ esinde kpukpru mmɔ ekabare ekpɔŋ mi.

EZEKIEL 16:45

“Eyen-aŋwan ebiet eka esie.” Afo edi eyen-uka emi akasuade ebe esie ye nditɔ esie; afo onyuŋ edi eyen-eka aŋwan nditɔ-uka iban emi ekesuade mme ebe mmɔ ye nditɔ mmɔ: eka fo ekedi Hittite, ete mbufo okonyuŋ edi Amorite ŋko.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

1 NDIDEM 11:25

Ndien enye edi asua Israel ke ofuri eyo Solomon, adian ye idiɔk-ŋkpɔ oro Hadad akanamde: ndien enye asua Israel, onyuŋ ada ubɔŋ ke Syria.