ZECHARIAH 11:6 - Edisana ñwed Abasi Ibom

⁶ Koro mmendituaha aba mme andiduŋ isɔŋ emi mbɔm, Jehovah ɔdɔhɔ: ndien, sese, ami nyeda kpukpru owo kiet kiet nsin mbɔhiduŋ mmɔ ke ubɔk, ye ke ubɔk edidem mmɔ: ndien mmɔ eyesuan obio, ami ndinyuŋ nsioho owo ke ubɔk mmɔ.

ZECHARIAH 11:6 Referans Kwoze

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

ŊWED MME PSALM 50:22

O mbufo emi efrede Abasi, etim ese emi, mbak ndiwai mbufo mbak-mbak, ndien owo eke anyaŋade iduhe.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

1 ŊWED THESSALONICA 2:16

edi edi mme asua ye kpukpru owo, ke emi mmɔ ebiɔŋɔde nnyin nditiŋ ikɔ nnɔ mme Gentile man enyaŋa mmɔ. Ntem ke mmɔ esuk emana enam mme idiɔk-ŋkpɔ mmɔ eyɔhɔ. Edi ifuresit Abasi odoro mmɔ ke idem ɔyɔhɔ-ɔyɔhɔ.

JOHN 19:15

Edi mmɔ efiori ete, Men Enye fep, men Enye fep, wot Enye ke cross. Pilate ete mmɔ, Nte ŋwot Edidem mbufo ke cross? Ikpɔ oku ebɔrɔ ete, Nnyin inyeneke edidem efen ibe Caesar.

MATTHEW 24:10

Ekem ediwak owo eyeduɔ, eyenyuŋ eda kiet eken enɔ, eyeyuŋ esua kiet eken.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

MALACHI 4:6

ndien enye eyekabare esit mme ete ɔnɔ nditɔ, eyekabare esit nditɔ ɔnɔ mme ete mmɔ, mbak ndida ata nsobo ndimia idut emi.

ZECHARIAH 14:13

Ndien ama ekem ke usen oro, akwa ndutime eyeto Jehovah osim mmɔ; ndien kpukpru mmɔ kiet kiet eyemum mbɔhiduŋ mmɔ ubɔk, enyuŋ emenere ubɔk mmɔ eŋwana ye ubɔk mbɔhiduŋ mmɔ.

ZECHARIAH 11:14

Ndien nsibe esaŋ mi eken oro, kpa Ubɔp-ŋkpɔ, man mbiat iman ke ufɔt Judah ye Israel.

ZECHARIAH 11:9

Ndien ndɔhɔ nte, Ndibɔkke mbufo: se ikpade yak akpa; yak enyuŋ esibe se eyomde ndisibe efep; ndien ama edi se isuhɔde, yak kiet ata obukidem kiet eken.

ZECHARIAH 11:5

emi mme andinyene mmɔ ewotde mmɔ, ndien mibatke idem mmɔ ke mme edue-isop: ndien mmɔ eke enyemde mmɔ edɔhɔ ete, Ekɔm Jehovah; koro mforode: mme ekpeme mmɔ inyuŋ ituaha mmɔ mbɔm.

ZECHARIAH 8:10

Koro ke mika-ikemke kaŋa ke mme usen oro, ŋkpɔ-eyen-utom owo ikoduhe, ŋkpɔ-eyen-utom unam ikonyuŋ iduhe; nnanenyin oro ikonyuŋ iyakke baba owo kiet eke odukde onyuŋ ɔwɔrɔde, okut ifure: ndien ndɔŋ kpukpru owo,

HAGGAI 2:22

ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

MICAH 6:14

Afo eyedia ŋkpɔ, edi uyuhɔke; esit eyenyuŋ ɔduɔ fi: afo ekpemen ŋkpɔ efep, udunimke mmɔ ke ifure; ndien nyeda se afo anyaŋade nyak nnɔ ofut.

HOSEA 2:10

Ndien ke emi ke ndiyarare but esie ke iso mmɔ emi emade enye, ndien baba owo kiet eke osiode enye ke ubɔk mi efep ididuhe.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

EZEKIEL 9:10

Ndien ama edi ami ŋkɔ, enyin mi idinyeneke mbɔm; ndinyuŋ nyakke; mmada usuŋ mmɔ ndori mmɔ ke ibuot.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 3:5

Ndien kpukpru owo eyesɔŋ ido kiet ye kiet, owo ŋko ye mbɔhɔ-iduŋ esie: mmɔ eyenam iseri-iseri, eyenɔwɔŋ eyenam ye ebio-owo, obukpo owo eyenam ye ɔbɔŋ.

ŊWED ESEME 2:21

Nditɔwɔŋ ye mbiowo ena ke isɔŋ ke efak: nditɔ-iban mi ye mkparawa mi eduɔŋɔ ke ofut; afo okowot mmɔ ke usen iyaresit fo; owot, ndien utuaha mmɔ mbɔm.

ŊWED ESEME 5:8

Ifin ekara nnyin: baba owo kiet eke osiode nnyin ke ubɔk mmɔ iduhe.