ZECHARIAH 11:5 - Edisana ñwed Abasi Ibom

⁵ emi mme andinyene mmɔ ewotde mmɔ, ndien mibatke idem mmɔ ke mme edue-isop: ndien mmɔ eke enyemde mmɔ edɔhɔ ete, Ekɔm Jehovah; koro mforode: mme ekpeme mmɔ inyuŋ ituaha mmɔ mbɔm.

ZECHARIAH 11:5 Referans Kwoze

JEREMIAH 50:7

Kpukpru owo eke ekutde mmɔ edia mmɔ: mme asua enyuŋ edɔhɔ, ete, Nnyin iduehe isop, koro mmɔ ekeduede Jehovah, iduŋ eti ido, edue Jehovah, idorienyin mme ete mmɔ.

HOSEA 12:8

Ndien Ephraim ɔdɔhɔ ete, Ŋkɔm mmoforo, mmɔkɔ inyene nnɔ idem mi: ke baba utom mi kiet mmɔ idikwe idiɔk ŋkpɔ ye ami eke edide ŋkpɔ isop.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

EZEKIEL 34:21

Koro mbufo edade ŋkaŋ ye afara enuk, enyuŋ edade nduk mbufo ekim kpukpru mmɔ emi idem ememde mmɔ, tutu mbufo esuan mmɔ esin ke esien.

EZEKIEL 34:10

Ntem ke Ɔbɔŋ Jehovah ɔdɔhɔ ete, Sese, ami mmɔŋ nnam ikɔ ye mme ɔbɔk-ufene; nyenyuŋ nyom ufene mi ke ubɔk mmɔ, nnyuŋ nnam mmɔ etre ndibɔk ufene; mme ɔbɔk idinyuŋ ibɔkke aba idem mmɔ; ndien nyesio mmɔ ufene mi ke inua, ndien mmɔ ididige aba udia mmɔ.

EZEKIEL 34:6

Ufene mi ediyo ke kpukpru ikpɔ obot, ye ke kpukpru edikoŋ obot: ufene mi emenyuŋ esuana ke iso ofuri isɔŋ; ndien baba owo kiet ibineke, baba owo kiet inyuŋ iyomke.

JEREMIAH 2:3

Israel ekedi edisana ikɔt Jehovah, akpa mfri ŋkɔri esie: kpukpru mmɔ eke ediade enye ekedue isop; idiɔk-ŋkpɔ okosim mmɔ; Jehovah ɔdɔhɔ.

NEHEMIAH 5:8

Nnyuŋ ndɔhɔ mmɔ, nte, Nnyin ima ida ukeme nnyin ifak nditɔ-ete nnyin mme Jew, emi ekenyamde enɔ mme idut; nte mbufo emɔŋ edinyam ndien nditɔ-ete mbufo? Nte edinyuŋ enyama enɔ nnyin?

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.

ERIYARARE 18:13

ye cinnamon, ye balsam, ye ufuɔŋkpɔ, ye myrrh, ye frankincense, ye wine, ye aran, ye eti ndomuyo, ye ibokpot, ye ufene, ye erɔŋ; ye enaŋ-mbakara, ye ukpat-ŋkpɔ, ye ikpɔhidem owo, ye ukpɔŋ owo.

JOHN 10:1

KE akpanikɔ ke ndɔhɔ mbufo, Owo eke misaŋake ibe inua-otop iduk ke ufɔk-erɔŋ, edi ɔdɔkde ke usuŋ efen oduk, owo oro edi inɔ ye owo ŋwo.

ERIYARARE 3:17

Koro ɔdɔhɔde ete, Mmenyene inyene, mmonyuŋ ŋkɔ inyene, nnyuŋ nnanake ŋkpɔ; ndien udiɔŋɔke ete idi ata nditaha owo, emi enyenede mbɔm, inyuŋ ibuene, inyuŋ idɔŋɔ nnan, inyuŋ inana edisine-ŋkpɔ;

HOSEA 12:9

Ndien ami ndi Jehovah Abasi fo ɔtɔŋɔde ke isɔŋ Egypt, nyetɔŋɔ ntak nnam fi oduŋ ke tent, kpa nte eke usen esop.

AMOS 2:6

Ntem ke Jehovah ɔdɔhɔ, ete, Idiɔk ido Israel ita ye inaŋ iyakke mi ŋkabare enye (ufen) mfep: koro mmɔ ekenyamde nti owo ke silver, enyam eyen ubuene ke ikpa-ukot iba;