ZECHARIAH 11:16 - Edisana ñwed Abasi Ibom

¹⁶ Koro, sese, ami mmɔŋ ndemere ekpem-erɔŋ ke isɔŋ emi, enye idisehe se ibiarade, idiyomke se ebinde efep, inyuŋ ikɔkke se idade unan, inyuŋ ibɔkke mmɔ eke esɔŋɔde; edi eyeta unam mmɔ eke ekponide, onyuŋ osio mmɔ mbara ukot.

ZECHARIAH 11:16 Referans Kwoze

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

JOHN 10:1

KE akpanikɔ ke ndɔhɔ mbufo, Owo eke misaŋake ibe inua-otop iduk ke ufɔk-erɔŋ, edi ɔdɔkde ke usuŋ efen oduk, owo oro edi inɔ ye owo ŋwo.

EZEKIEL 34:21

Koro mbufo edade ŋkaŋ ye afara enuk, enyuŋ edade nduk mbufo ekim kpukpru mmɔ emi idem ememde mmɔ, tutu mbufo esuan mmɔ esin ke esien.

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

EZEKIEL 34:10

Ntem ke Ɔbɔŋ Jehovah ɔdɔhɔ ete, Sese, ami mmɔŋ nnam ikɔ ye mme ɔbɔk-ufene; nyenyuŋ nyom ufene mi ke ubɔk mmɔ, nnyuŋ nnam mmɔ etre ndibɔk ufene; mme ɔbɔk idinyuŋ ibɔkke aba idem mmɔ; ndien nyesio mmɔ ufene mi ke inua, ndien mmɔ ididige aba udia mmɔ.

JEREMIAH 23:22

Ekpedi nte, mmɔ ekedade ke odu mi, enyuŋ enamde ikɔt mi ekop ikɔ mi, mmɔ ekpekabare mmɔ ndien esio ke idiɔk usuŋ mmɔ, ye ke idiɔk ido mmɔ.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

GENESIS 33:13

Ndien enye ete, Ɔbɔŋ mi ɔmɔfiɔk ete ke nditɔ oro edi nsek, erɔŋ ye enaŋ eke eyomode, enyuŋ edu ye ami: ekpesɔŋɔ ebin mmɔ baba usen kiet, kpukpru ufene ekpekpaŋa.

GENESIS 31:38

Ke isua edip emi ke ami ŋkodu ye afo; uman erɔŋ fo ye uman ebot fo ikawakke eyen, ŋkonyuŋ

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.