ZECHARIAH 1:16 - Edisana ñwed Abasi Ibom

¹⁶ Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 1:16 Referans Kwoze

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

ZECHARIAH 4:9

Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.

EZEKIEL 47:3

Ndien ke adaŋemi owo oro ɔwɔrɔde ke edem usiaha-utin ye uruk ke ubɔk, enye odomo tɔsin ibio-idomo-okuk, ndien anam mi nsaŋa ke mmɔŋ ikpat ukot mbe.

EZEKIEL 40:3

Ndien enye ada mi edi ken, ndien, sese, owo emi idem esie ebietde idem okpoho, ye uruk linen ke ubɔk, ye eto-okuk; ndien enye ada ke inua-otop.

ŊWED JOB 38:5

Anie okonim idomo esie, koro afo ɔfiɔkde? anie okonyuŋ eneŋere uruk-udomo ke esit?

HAGGAI 1:14

Ndien Jehovah edemere spirit Zerubbabel eyen Shealtiel, ɔbɔŋ Judah, ye spirit Joshua eyen Jehozadak, akamba oku, ye spirit kpukpru mmɔ eke esuhɔde; ndien mmɔ edi edinam utom ke ufɔk Jehovah mme udim, Abasi mmɔ,

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

ISAIAH 34:11

Ndien ikpaŋ ye ebiɔŋ eyeda enye enyene; akpantana ye raven eyeduŋ ke esit: ndien enye eyeda uruk nsobo, ye mme itiat unana-ŋkpɔ anyan ke esit.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ZECHARIAH 2:4

Ndien ɔdɔhɔ enye, ete, Fehe kɔdɔhɔ akparawa emi, ete Jerusalem eyeduŋ obio-iŋwaŋ, oto ke uwak owo ye eke ufene eke edude ke esit.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

JEREMIAH 30:18

Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

ZECHARIAH 2:5

Jehovah onyuŋ ɔdɔhɔ, ete, Ami nyedi ibibene ikaŋ ŋkan enye ŋkuk, nyenyuŋ ndi ubɔŋ ke ufɔt esie.

ZECHARIAH 2:6

Ho, ho, mbufo eto ke isɔŋ edem edere efeŋe, ke edi uyo Jehovah: koro ŋkasuande mbufo nte mme ofum heaven mbinaŋ; ke edi uyo Jehovah.