ZECHARIAH 1:12 - Edisana ñwed Abasi Ibom

¹² Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

ZECHARIAH 1:12 Referans Kwoze

ZECHARIAH 7:5

Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?

DANIEL 9:2

Ke akpa isua ubɔŋ esie, ami Daniel nda ŋwed ntim mfiɔk ibat isua emi uyo Jehovah okosimde Jeremiah prophet abaŋa, ete ke ŋwure Jerusalem eyeyɔhɔ isua ata ye duop.

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

ŊWED MME PSALM 102:13

Afo eyedaha ke enyɔŋ atua Zion mbɔm: koro emekem ke ini nte afo ɔfɔnde ido ye enye, kpa ini emi enimde.

ŊWED MME PSALM 74:10

O Abasi adaŋa didie ke usua edisuŋi? Nte owo utɔk edisuene enyiŋ fo ke nsinsi?

ERIYARARE 6:10

Ndien mmɔ efiori ke ɔkpɔsɔŋ uyo ete, O Ɔbɔŋ, emi edide Edisana onyuŋ anamde akpanikɔ, adaŋa didie ke editre ndikpe ikpe nnyuŋ nsio usiene iyip nnyin ke idem mme andiduŋ ke isɔŋ?

ZECHARIAH 1:8

Ŋkokut ke okoneyo, ndien, sese, owo odoro ke ididuot horse, ndien enye ada ke otu eto myrtle oro edude ke ebedeŋ; ndien horse eken eke edide ididuot, ye aran-aran, ye afia, eda enye ke edem.

2 CHRONICLES 36:21

kpaŋ uyo Jehovah ke inua Jeremiah ekpekem, tutu isɔŋ adia mme sabbath esie: ofuri ini emi enye anade ikpikpu, enye onim sabbath tutu isua ata ye duop eyɔhɔ.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

ŊWED MME PSALM 69:5

O Abasi, afo ɔmɔfiɔk ndisime ido mi; mme ukwaŋa-ŋkpɔ mi inyuŋ idibeke fi.

ŊWED MME PSALM 102:10

mbaŋa iyaresit fo ye ifuresit fo: koro afo ekemende mi, ndien ɔduɔk mi ke isɔŋ.

JEREMIAH 12:4

Adaŋa didie ke isɔŋ editua, mbiet kpukpru iŋwaŋ edinyuŋ asat, abaŋa mme idiɔk ido mmɔ eke eduŋde ke esit? Mme unam ye inuen emesobo: koro mmɔ ekedɔhɔde ete, Baba owo kiet idikwe utit nnyin.

JEREMIAH 15:17

Ŋketiehe ke odu mbon nsahi, nnyuŋ nnamke mbubru; ubɔk fo esin mi ntie ikpɔŋ: koro afo adade iyaresit ɔyɔhɔ mi ke idem.

JEREMIAH 30:18

Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

DANIEL 12:6

Ndien owo kiet obup owo oro esinede linen, emi edade ke enyɔŋ mmɔŋ akpa, ete, Adaŋa ini didie ke utit mme utibe ŋkpɔ emi edidi?

HABAKKUK 1:2

O Jehovah, adaŋa didie ke ndiseme, ndien afo ukopke! nditua afai nnɔ fi, ndien unyaŋake!

ŊWED MME PSALM 79:5

O Jehovah, adaŋa didie ke afo ediyaresit ke nsinsi?

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

ISAIAH 47:6

Ŋkayat esit ye ikɔt mi; nsabare udeme mi, nda mmɔ nsin fi ke ubɔk: afo utuaha mmɔ mbɔm; odori mbiowo ata edidobi ɔkpɔnɔ fo.