TITUS 3:7 - Edisana ñwed Abasi Ibom

⁷ man nnyin ibɔ utebe-ikpe ke mfɔn Esie, inyuŋ ikabare idi menyene udeme, nte idori-enyin nsinsi uwem edide.

TITUS 3:7 Referans Kwoze

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

ŊWED MBON ROME 3:24

Edi etebe mmɔ ikpe ke ikpikpu ke mfɔn Esie, oto ke erifak emi odude ke Christ Jesus:

TITUS 2:11

Koro mfɔn Abasi ama ɔbiɔŋɔre edida erinyaŋa ɔsɔk kpukpru owo;

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ŊWED MBON GALATIA 2:16

ifiɔkde ite inɔŋɔ owo utebe-ikpe ke ntak erinam utom ibet, edi ke ntak mbuɔtidem eke enye enyenede ke Christ Jesus ikpɔŋ-ikpɔŋ, kpa nnyin ŋko ikɔbuɔt idem ye Christ Jesus, man ikpe ekpetebe nnyin ke ntak mbuɔtidem nnyin ye Christ, idige ke ntak erinam utom ibet; koro baba owo kiet midikwe utebe-ikpe ke ntak erinam utom ibet.

ŊWED MBON ROME 11:6

Edi edieke otode ke mfɔn, itoho aba ke se mmɔ enamde: midige ntre, mfɔn idige aba mfɔn.

ŊWED MBON GALATIA 3:29

Edi edieke mbufo edide eke Christ, mbufo enyuŋ edi nditɔ Abraham; nte uŋwɔŋɔ edide, mbufo edi mme ada-udeme nyene.

ŊWED MBON ROME 4:16

Ke ntak emi uŋwɔŋɔ asaŋa ye mbuɔtidem, man edi ŋkpɔ mfɔn; man oto do uŋwɔŋɔ ɔkpɔsɔŋɔ ada ɔnɔ kpukpru nditɔ esie; ikpɔsɔŋɔke ida inɔ mbon ibet ikpɔŋ, edi ɔnɔ mmɔ nde emi enyenede mbuɔtidem Abraham,

ŊWED MBON ROME 3:28

Koro nnyin ibat ite eda mbuɔtidem enam ikpe etebe owo, erinam utom ibet inyuŋ isaŋake do.

1 PETER 3:7

Kpasuk ntre, mbufo mme ebe edu uwem ye iban mbufo nte mme enyene-ibuot owo; enɔ iban ukpono, nte mmɔ emi ememde ekan mbufo, sia mmɔ enyuŋ etienede mbufo, ebuana ke ufɔn uwem; mbak ŋkpɔ edibiɔŋɔ akam mbufo.

MME HEBREW 11:9

Oto mbuɔtidem enye akabare edi oduduŋ ke isɔŋ emi Abasi ɔkɔŋwɔŋɔde ɔnɔ enye, nte owo adaŋ ke isɔŋ eke minyeneke enye; onyuŋ oduŋ ntre ke tent ye Isaac ye Jacob, emi etienede enye edi mme andinyene uŋwɔŋɔ oro:

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

MME HEBREW 6:17

Ntre sia Abasi oyomde mmɔ emi edidade uŋwɔŋɔ enyene etim ekut ete Enye idikpuhɔkere uduak Esie, Enye ada uŋwɔŋɔ edisin:

ŊWED MBON GALATIA 4:7

Ntre ke afo udige aba ofin, edi edi eyen; ndien edieke edide eyen, Abasi anam fi onyuŋ ada udeme enyene.

ŊWED MBON ROME 4:4

Edi ye owo emi anamde utom, ibatke utip eke enɔde enye nte ŋkpɔ mfɔn, edi ebat nte isɔn.

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MARK 10:17

Ekem nte Jesus ɔwɔrɔde oduk usuŋ, owo kiet efehe etiene Enye, ɔtɔŋɔ edɔŋ ɔnɔ Enye, onyuŋ obup Enye ete, Eti Andikpep, ndinam nso man nnyene nsinsi uwem?

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?