TITUS 3:5 - Edisana ñwed Abasi Ibom

⁵ itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

TITUS 3:5 Referans Kwoze

2 ŊWED TIMOTHY 1:9

emi ama anyaŋa nnyin, onyuŋ okot nnyin edisana ikot; itoho ke se nnyin inamde edi oto ke uduak ye mfɔn Esiemɔ, emi ekɔnɔde nnyin ke Christ Jesus, ndien nsinsi eyo edidu;

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

ŊWED MBON EPHESUS 2:4

Edi Abasi, emi enyenede uwak mbɔm, oto ke akwa ima eke Enye akamade nnyin,

ŊWED MBON EPHESUS 5:26

man Enye akpada mmɔŋ ɔkɔrɔ ye ikɔ Abasi eyet ɔkɔp esie,

ŊWED MME PSALM 51:10

Bot edisana esit nɔ mi, O Abasi; nyuŋ nam obufa spirit eke ɔsɔŋɔde ada, sin mi ke idem.

ŊWED MBON ROME 11:6

Edi edieke otode ke mfɔn, itoho aba ke se mmɔ enamde: midige ntre, mfɔn idige aba mfɔn.

MME HEBREW 4:16

Mmɔdo eyak nnyin isaŋa ikpere ebekpo mfɔn ye uko, man nnyin ibɔ mbɔm, inyuŋ ikut mfɔn eke ediŋwamde nnyin ke ini nnan-enyin.

ŊWED MBON COLOSSAE 3:10

ema enyuŋ esine obufa owo, emi ediɔŋde diɔŋ enam enye edi obufa, enyene mbiet Andibot enye, man enye ɔfiɔk ŋkpɔ;

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MBON GALATIA 2:16

ifiɔkde ite inɔŋɔ owo utebe-ikpe ke ntak erinam utom ibet, edi ke ntak mbuɔtidem eke enye enyenede ke Christ Jesus ikpɔŋ-ikpɔŋ, kpa nnyin ŋko ikɔbuɔt idem ye Christ Jesus, man ikpe ekpetebe nnyin ke ntak mbuɔtidem nnyin ye Christ, idige ke ntak erinam utom ibet; koro baba owo kiet midikwe utebe-ikpe ke ntak erinam utom ibet.

ŊWED MBON ROME 3:20

koro ikpe iditebeke baba owo kiet ke iso Esie kabaŋa erinam utom ibet, koro ifiɔk idiɔk-ŋkpɔ otode ke ibet.

1 PETER 2:10

mbufo, emi mikedige ikɔt baba ete kiet ke eyo oko, eyedi ikɔt Abasi ke emi; emi mikatuaha mbufo mbɔm, edi ke emi ema etua mbufo mbɔm.

ŊWED MBON EPHESUS 4:23

Enyuŋ ekabare edi obufa ke spirit eke odude ke esit mbufo, enyuŋ emen obufa owo esine,

ŊWED MBON ROME 3:28

Koro nnyin ibat ite eda mbuɔtidem enam ikpe etebe owo, erinam utom ibet inyuŋ isaŋake do.

ŊWED MBON ROME 9:11

Ndien ke ini nditɔ mimanake kaŋa, minyuŋ inamke baba eti ŋkpɔ kiet mme idiɔk-ŋkpɔ, edɔhɔ eka mmɔ ete, Akpan eyenam ŋkpɔ ɔnɔ udɔ:

LUKE 1:78

Oto ke esit mbɔm Abasi nnyin, Emi esinde usiere oto ke enyɔŋ edisim nnyin,

LUKE 1:54

Enye akanyaŋa Israel owo Esie, Man Enye eti mbɔm Esie,

LUKE 1:50

Mbɔm Esie onyuŋ ana ɔnɔ kpukpru emana, Ɔnɔ mmɔ emi ebakde Enye.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

ŊWED MME PSALM 143:2

Kunyuŋ ukot owo fo ikpe: koro ikpe misanake baba andidu uwem kiet ke iso fo.

ŊWED MME PSALM 130:7

Israel, dori enyin ye Jehovah; koro ima odude ye Jehovah; ediwak ufak onyuŋ odu ye enye.

ŊWED JOB 25:4

Ndien owo anam didie enen ye Abasi?

TITUS 3:4

Edi ke ini mfɔnido Abasi Andinyaŋa nnyin ama ɔbiɔŋɔre, ye ima emi Enye amade nnyin,

ŊWED MBON ROME 9:30

Ididɔhɔ didie ndien? Ite, mme Gentile, emi mikaŋwanake nditiene edinen ido, ema esim edinen ido, kpa edinen ido eke otode ke mbuɔtidem:

ŊWED MBON ROME 9:16

Mmɔdo ŋkpɔ emi itoho owo emi oyomde yom, inyuŋ itoho owo emi efehede itɔk, edi oto Abasi emi enyenede mbɔm.

ŊWED MBON ROME 4:5

Edi ye owo eke minamke utom, edi ɔbuɔtde idem ye Enye emi anamde ikpe etebe mme idiɔk owo, ebat mbuɔtidem esie ke edinen ido.

LUKE 1:72

Nditua mme ete nnyin mbɔm, Ndinyuŋ nti edisana ediomi Esie,

ISAIAH 57:12

Nyebuk eti ido fo, ye ŋkpɔ eke afo anamde: ndien mmɔ ididodoke fi baba.

MME HEBREW 6:6

ye mme odudu ererimbot emi edidide, ndien ekem mmɔ edifiak edem; ɔsɔŋ nte owo mikemeke ndikpuhɔre mmɔ ntɔŋɔ ntak nnam mmɔ ekabare esit; sia mmɔ etɔŋɔde ntak ewot Eyen Abasi ke cross enɔ idem mmɔ enyuŋ esuenede Enye ke aŋwa.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

ŊWED JOB 15:14

Owo edi nso eke enye akpasanade? Owo eke ŋwan amande onyuŋ edi nso eke enye ekpenende?

ŊWED JOB 9:20

Ŋkpenen, inua mi ɔkpɔdɔhɔ ete, Ndɔdiɔk: ŋkpɔfɔn mma, enye akpanam ikpe otip mi.

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

ŊWED MBON ROME 11:14

man adaŋa nte ededi, nnam oruk mi efibe ufup, nnyuŋ nnyaŋa ndusuk mmɔ.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ: