TITUS 3:2 - Edisana ñwed Abasi Ibom

² Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

TITUS 3:2 Referans Kwoze

ŊWED MBON EPHESUS 4:31

Esioŋo kpukpru ndot-ndot ekikere, ye ifuresit, ye iyaresit, ye utɔk, ye isuŋi efep ke otu mbufo, ye kpukpru oruk udu:

ŊWED MBON EPHESUS 4:2

ke kpukpru nsuk-idem ye ifure-ifure ido, ye anyan ime;

1ŊWED TIMOTHY 3:3

Enye ikpe-dige owo mmin, ye owo mfiomo; edi enyene ndidi suŋ-suŋ owo, emi midige owo utɔk, minyuŋ isinke esit ke okuk.

1 PETER 3:10

Koro, Owo emi edimade uwem, Edinyuŋ oyomde ndikut edifɔn ini, Yak enye afara edeme esie ke idiɔk, onyuŋ ekpeme mkpɔk-inua esie okubiaŋa abiaŋa.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

JAMES 4:11

Nditɔ-ete, ekubaŋa kiet eken idiɔk ibaŋa. Owo emi abaŋade eyen-ete esie, onyuŋ ekpede eyen-ete esie abaŋa ibet, onyuŋ ekpe ibet: edi edieke afo ekpede ibet, afo udige aba anam-ibet, edi eyedi ekpe-ibet.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

1 PETER 2:1

MMƆDO eduɔŋɔ kpukpru udu, ye kpukpru ŋkari, ye mbubik, ye ufup, ye kpukpru idiɔk ibaŋa;

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

2 SAMUEL 22:36

Afo onyuŋ ɔnɔ mi otu-ekɔŋ erinyaŋa fo; ibɔrɔ fo onyuŋ ofori mi.

ŊWED MBON GALATIA 6:1

NDITƆ-ETE, edieke ekutde owo ke ndudue ekededi, mbufo, emi edide mbon spirit, esaŋa ke spirit ifure-ifure ido, eda enye efiak esin ke itie; nyuŋ kpeme idem, mbak edidomo fi ŋko.

1ŊWED TIMOTHY 3:11

Kpasuk ntre ŋko iban mmɔ ekpodot ukpono; mmɔ ikpedige mbon ebiari, edi ekpefara ke idem, enyuŋ enam akpanikɔ ke kpukpru usuŋ,

1 ŊWED THESSALONICA 2:7

Edi nnyin iketie suŋ-suŋ ke otu mbufo, nte emi eka ɔbɔkde nditɔ esie mmɔ.

ŊWED MBON PHILIPPI 4:5

Eyak kpukpru owo ekut ete emetim ekara esit mbufo. Ɔbɔŋ ke ekpere.

1 ŊWED CORINTH 9:19

Koro okposuk edi nte mmensineke baba owo kiet ke idak, mmoduk ufin nnɔ kpukpru owo, man nduri owo nda awak akan.

ŊWED MME PSALM 140:11

Owo inua idisɔŋɔke ida ke isɔŋ: owo afai eyekut idiɔk; eyebine enye osobo.

2 ŊWED CORINTH 12:20

Koro mfefehe ndik nte, ke adaŋemi ndidide, ndusuk nyekut nte mbufo idige se nyomde mbufo edi, mbufo eyenyuŋ ekut ete ami ndige se mbufo emade; mbak ndusuk nyekut utɔk, ye ufup, ye ifuresit, ye mdomo-idem, ye idiɔk ibaŋa, ye erikama owo, ye ŋkohore-idem, ye ndutime ke otu mbufo;

2 ŊWED CORINTH 10:1

EDI ami Paul ke idem mi nda ifure-ifure ido ye mmem-ido Christ nnɔ mbufo uyo-ami emi ndide owo nsuk-idem ke iso mbufo, ke ini ndude ye mbufo, edi nsɔŋde inua ye mbufo, ke ini mmenduhe ye mbufo:

UTOM MME APOSTLE 23:5

Paul ete, Nditɔ-ete, mfiɔkke nte enye edi akwa oku; koro ewetde ete, Kutiŋ idiɔk ikɔ udian andikara mbio-obio mbufo.

MME ŊKE 25:24

Ɔfɔn nditie ke enyɔŋ ɔkɔm, akan ndiduŋ ye ŋwan utɔk ke ufɔk ebuana.

MME ŊKE 6:19

Owo eke oyokde nyok, nte ntiense nsu, ye owo eke edemerede utɔk ke otu nditɔ ete kiet.

JUDE 1:10

Edi memmɔ emi esuŋi se ededi eke mmɔ mifiɔkke; mme ŋkpɔ eke mmɔ enyuŋ efiɔkde ke nda-mana, nte ŋkpɔ uwem eke minyeneke ibuot, ewɔrɔ edi nsobo enɔ mmɔ.

JUDE 1:8

Kpasuk ntre memmɔ oro ŋko esabare obukidem mmɔ ke ikpikpu ekikere mmɔ, enyuŋ esin mme andikara ke ndek, enyuŋ esuŋi mme akama ikpɔ itie.

2 PETER 2:10

akpan-akpan mmɔ eke esaŋade ke ndek-ndek idiɔk itɔŋ obukidem edu uwem enyuŋ esinde mme andikara. Mmɔ edi mbon emiom ye mbon nsɔŋ-ibuot, inamke mmɔ ndik ndisuŋi mme akama-itie ubɔŋ:

1 PETER 4:4

ndien idem akpa mmɔ oro, ke emi mbufo minyimeke aba ndisaŋa ye mmɔ nduk ke ɔkpɔsɔŋ otime uwem oro, mmɔ enyuŋ esuŋi mbufo.

1 ŊWED CORINTH 6:10

ye mmɔ eke ebietde iban, ye mmɔ eke esabarede idem, ye mme inɔ, ye mme esin esit ke ŋkpɔ owo, ye mme ɔyuhɔ mmin, ye mbon idiɔk inua, ye mme akan owo ubɔk ididaha Obio Ubɔŋ Abasi inyene.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

MME ŊKE 19:19

Owo akwa ikpahesit eyesio isop: koro afo ama anyaŋa enye, eyenyene nditɔŋɔ ntak nnam.