TITUS 3:1 - Edisana ñwed Abasi Ibom

¹ TI mmɔ ete esuk idem enɔ mme andikara ye mme enyene-idaha, enyuŋ esuk ibuot, enyuŋ ebeŋe idem ndinam kpukpru nti utom;

TITUS 3:1 Referans Kwoze

ECCLESIASTES 10:4

Edieke edidem ayatde esit ye afo, kudaha ke ebiet fo; koro mmem-ibuot osukde ikpɔ ndudue.

MME ŊKE 24:21

Eyen mi, bak Jehovah ye edidem: kunyuŋ ubuana ye mbon nsɔŋ-ibuot:

MATTHEW 22:21

Mmɔ ete, Enyene Caesar. Ekem Enye ɔdɔhɔ mmɔ ete, Enɔ Caesar ndien ŋkpɔ eke enyenede Caesar; enyuŋ enɔ Abasi ŋkpɔ eke enyenede Abasi.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

2 ŊWED TIMOTHY 2:21

Edieke owo adianarede idem ye mbio idiɔk ndutiŋ, enye eyedi ŋkpɔ-utom emi enyenede ukpono, ŋkpɔ-utom emi Abasi anamde asana, emi Ete ufɔk ekemede ndida nnam ŋkpɔ, emi ebeŋede enye enim enɔ kpukpru oruk eti utom.

2 ŊWED TIMOTHY 1:6

Ke ntak emi mmeti fi nte edemere enɔ Abasi, emi ekɔnɔde fi ke eridori fi ubɔk mi.

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1ŊWED TIMOTHY 4:6

Edieke afo emende mme ŋkpɔ emi esin nditɔ-ete ke ekikere, afo eyedi, eti anam-utom Christ Jesus, emi ekebɔkde fi ke ikɔ mbuɔtidem ye eti ukpep-ŋkpɔ, eke afo akasaŋade ke esit.

1ŊWED TIMOTHY 2:2

ebaŋa ndidem ye kpukpru mmɔ emi edude ke ikpɔ itie; man nnyin idu uwem ifure ye emem, ke kpukpru uteŋe ye eti ido.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

JEREMIAH 27:17

Mbufo ekukop uyo mmɔ, ekabare edi ikɔt edidem Babylon, ndien edu uwem: obio emi edinam didie akabare edi ndon?

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

2 PETER 1:12

Ke ntak emi nduak nditi mbufo ŋkpɔ emi kpukpru ini, okposuk edi nte mbufo efiɔkde mmɔ, enyuŋ esɔŋɔde eda ke akpanikɔ eke odude ye mbufo.

TITUS 3:8

Ikɔ emi edi akpanikɔ. Nyom fi ɔsɔŋɔ eyire emi, ete mmɔ emi ekɔbuɔtde idem ye Abasi esin ifik enyene eti ubɔk-utom eke mmɔ enamde. Utɔ item emi edi se ifɔnde ye se idorode owo.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

ISAIAH 43:26

Nam mi nti: yak nnyin ikpe ikɔ ɔtɔ kiet: afo tiŋ man akaŋ idem fo.

JUDE 1:5

Edi mmonyom nditi mbufo se mbufo ema ekefiɔk ema, nte, ke adaŋemi Jehovah ama akanyaŋa ikɔt osio ke Egypt, ekem Enye osobo mmɔ emi minimke ke akpanikɔ.

TITUS 3:14

Nyuŋ dɔhɔ ikɔt nnyin ete, enyene eti ubɔk-utom kabaŋa se edinade nte mmɔ enam, mbak mmɔ edinana mfri.

2 ŊWED TIMOTHY 2:14

Ti mmɔ ŋkpɔ emi; sɔŋɔ wuk mmɔ ke iso Ɔbɔŋ, ete mmɔ eku-ŋwana ebaŋa ikɔ-inua, koro oro midoroke mmɔ ke baba usuŋ kiet, edi akam ososobo mme andikop mmɔ.

TITUS 1:16

Mmɔ edɔhɔ ete, mme imɔ ifiɔk Abasi; edi mmɔ ekaŋ Enye ke ido mmɔ, sia mmɔ ebiamde mbubiam, enyuŋ esɔŋde ibuot, enyuŋ ebiarade adaŋa nte mmɔ mikemeke ndinam ndomo eti utom kiet.