TITUS 2:7 - Edisana ñwed Abasi Ibom

⁷ Ke kpukpru usuŋ kama idem fo ke iso mmɔ nte uwut-ŋkpɔ eti utom; ke ukpep-ŋkpɔ, nɔ mmɔ akpanikɔ eke minyeneke mbiara,

TITUS 2:7 Referans Kwoze

1 PETER 5:3

ekunyuŋ ebre odudu ye mmɔ emi ekeyakde esin mbufo ke ubɔk, edi enim idem nte uwut-ŋkpɔ enɔ mme erɔŋ.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

ŊWED MBON PHILIPPI 1:10

man mbufo ekeme ndidomo mfiɔk se ifɔnde ikan, kpaŋ mbufo edi edideŋi ekunyuŋ enyene ndudue tutu osim usen Christ;

2 ŊWED CORINTH 4:2

edi imakpaŋa nsa ye ndibe-ndibe ido eke enyenede but, isaŋake ke ŋkari, inyuŋ idaha nsu ibuak ye ikɔ Abasi; edi ke erisian se idide akpanikɔ aŋwa-aŋwa, ke inam kpukpru owo efiɔk ke esit mmɔ, ete nnyin inanam se inende ke iso Abasi.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

2 ŊWED THESSALONICA 3:9

Inamke ntre koro nnyin minyeneke unen ndikpetre utom; edi ikanam ntre, man inɔ mbufo uwut-ŋkpɔ, ete, ekpekpebe nnyin.

ŊWED MBON EPHESUS 6:24

Mfɔn akpakam odu ye kpukpru mmɔ emi emade Ɔbɔŋ nnyin Jesus Christ ye ima eke midibiarake.

2 ŊWED CORINTH 2:17

Ndien anie ekeme ndinam utɔ utom oro? Nnyin imekeme; koro nnyin itiehe nte ediwak owo emi enyanyam ikɔ Abasi eŋwana udori; edi itiŋ ikɔ ke Christ ke iso Abasi, nte owo emi edide owo akpanikɔ ye owo Abasi etiŋde.

2 ŊWED CORINTH 8:8

Ndɔhɔke nnim nte ewuhɔ, edi nda ufiopesit mmɔ efen ndomo ŋwut nte ima mbufo edide akpanikɔ.

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

TITUS 3:8

Ikɔ emi edi akpanikɔ. Nyom fi ɔsɔŋɔ eyire emi, ete mmɔ emi ekɔbuɔtde idem ye Abasi esin ifik enyene eti ubɔk-utom eke mmɔ enamde. Utɔ item emi edi se ifɔnde ye se idorode owo.