TITUS 2:12 - Edisana ñwed Abasi Ibom

¹² onyuŋ ekpep nnyin ŋkpɔ, man oto do nnyin idianare ikpɔŋ idiɔk ido ye idiɔk udɔŋ ererimbot, idu uwem ke eti ibuot ye edinen ido ye ido Abasi ke eyo emi;

TITUS 2:12 Referans Kwoze

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

ŊWED MBON ROME 6:19

Ntiŋ nte owo kabaŋa unana ukeme mbufo ke obukidem. Koro nte mbufo ekeyakde mbak idem mbufo nte ifin enɔ mbubiam ido ye otime-otime ido emi osuk atakde ndikɔkɔri, kpasuk ntre ke emi eyak mbak idem mbufo nte ifin enɔ edinen ido, man mbufo ekabare esana.

ŊWED MME PSALM 4:3

Mbufo efiɔk, ndien, ete ke Jehovah adianare owo ima esie, onim ɔnɔ idem esie; Jehovah eyekop ke ini nsemede ŋkot enye.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

1 JOHN 2:6

Nnyin ida emi ifiɔk ite idodu ke Enye: owo eke ɔdɔhɔde ete imɔ iduŋ ke Enye, akpasaŋa odu uwem kpa nte Enye akasaŋade.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

ERIYARARE 14:12

Mi ke ekut ime nti ikɔt Abasi, kpa mmɔ emi enimde mbet Abasi, enyuŋ ebuɔtde idem ye Jesus.

LUKE 1:75

Ke edisana ido ye edinen ido ke iso Imɔ ke ofuri uwem nnyin.

1 ŊWED THESSALONICA 4:7

Koro Abasi ikokotke nnyin ite ididu uwem mbubiam, edi okokot nnyin ete, ididu uwem ke edisana ido.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

1 ŊWED THESSALONICA 4:9

Inaŋa nte ŋwet ŋkpɔ nnɔ mbufo mbaŋa ima nditɔ-ete: koro Abasi ke Idem Esie ke ekpep mbufo ndima kiet eken;

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

ŊWED MBON ROME 6:12

Mmɔdo ekuyak idiɔk-ŋkpɔ ada ubɔŋ ke ikpɔhidem mbufo emi edikpade, esin mbufo esuk ibuot enɔ enye ke mme idiɔk udɔŋ esie:

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

2 PETER 3:11

Sia kpukpru ŋkpɔ emi edibiarade ntem, nso oruk owo ke mbufo ekpedi ke edisana ido ye ke uteŋe Abasi?

MME HEBREW 8:11

Mbɔhiduŋ iditemeke mbɔhiduŋ, Owo idinyuŋ itemeke eyen-ete esie ete, Fiɔk Jehovah: Koro kpukpru owo eyediɔŋɔ Mi Ɔtɔŋɔde ke ata ekpri, tutu osim ata ikpɔ.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

ŊWED MBON COLOSSAE 1:22

edi ke emi Jesus akada mkpa Esie anam mbufo etie ke emem ye Abasi ke obukidem Esie, man Enye anam mbufo edi ndisana owo emi enanade ndo, emi owo minyuŋ ikemeke nditiŋ ŋkpɔ ndian, ada onim ke iso Esie:

ŊWED MBON GALATIA 5:24

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

ŊWED MBON ROME 8:13

Koro edieke mbufo edude uwem nte obukidem etemede, mbufo enyene ndikpa; edi edieke mbufo edade spirit, mbufo ewot erinam eke obukidem anamde, mbufo eyedu uwem.

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

UTOM MME APOSTLE 24:16

Ntem ke ŋwana kpukpru ini ndinyene esit eke minyeneke se eduede Abasi ye owo.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

ŊWED MBON EPHESUS 1:4

Abasi ekemek nnyin ke Enye ndien ediwuk adaha ererimbot, ete nnyin ikpasana inyuŋ inana ndo ke iso Imɔ.

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

JOHN 6:25

Ndien ke ini mmɔ ekutde Enye ke edem inyaŋ eken, mmɔ ebup Enye ete, Rabbi, Afo ekedi mi ini ewe?

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

ŊWED MME PSALM 105:45

kpaŋ mmɔ ekpenim mme ewuhɔ esie, enyuŋ ekpe, mbet esie. Mbufo etoro Jehovah.

JUDE 1:18

nte mmɔ edɔhɔde mbufo ete, mbon nsahi eyedu ke ukperedem ini, emi edisaŋade ke idiɔk itɔŋ, midinyuŋ ibakke Abasi.

2 ŊWED TIMOTHY 4:10

Koro Demas ɔmɔkpɔŋ mi, sia enye amade eyo emi odude ke emi, adaha ɔnyɔŋ ke Thessalonica; Crescens aka Galatia, Titus onyuŋ aka Dalmatia.

MATTHEW 12:32

Ndien owo ekededi eke editiŋde ikɔ adian Eyen Owo, eyefen enye; edi owo ekededi eke editiŋde ikɔ adian Edisana Spirit, idifenke enye, ye edide ke eyo emi ye onyuŋ edide ke eyo emi edidide.

1ŊWED TIMOTHY 6:9

Edi mmɔ eke eyomde ndidi mbon inyene eduɔ esine ke idomo ye afia ye ediwak ndisime ye idiɔk udɔŋ, eke edudide owo esuhɔre ke nditaha ye nsobo.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.