TITUS 1:9 - Edisana ñwed Abasi Ibom

⁹ enye enyene ndisɔŋɔ mmum ikɔ akpanikɔ eke ekekpepde enye, man ekeme ndida eti ukpep-ŋkpɔ oro nteme mme owo, nnyuŋ ŋkan mmɔ eke eŋwanade ye enye.

TITUS 1:9 Referans Kwoze

2 ŊWED THESSALONICA 2:15

Mmɔdo ndien, nditɔ-ete, esɔŋɔ eda, emum mme item emi ekekpepde mbufo ekama, ye item oro edide ke ikɔ-inua, onyuŋ edide ke ŋwed emi nnyin inɔde.

2 ŊWED TIMOTHY 1:13

Mum nti ikɔ eke okokopde mi ke inua kama tutu osim usen oro nte item uwem fo, ke mbuɔtidem ye ima eke odude ke Christ Jesus.

1ŊWED TIMOTHY 6:3

Kpep nyuŋ teme mmɔ enam ntem. Edieke owo ekededi ekpepde oruk ŋkpɔ eŋwen, minyuŋ inyimeke inɔ nti ikɔ, kpa ikɔ Ɔbɔŋ nnyin Jesus Christ, ye ukpep-ŋkpɔ eke ekemde ye uteŋe Abasi,

1ŊWED TIMOTHY 1:10

ye mme oburobut owo ye mme owot-ete ye mme owot-eka, ye mme owot-owo, ye mbon use, ye mme anam obukpo ido, ye mme eyip-owo, ye mme osu-nsu, ye mme ada uŋwɔŋɔ ke abiaŋa, ye mme anam ido eŋwen ekededi eke ɔbiɔŋɔde eti erikpep,

ERIYARARE 3:3

Ti ndien usuŋ nte akasaŋade ɔbɔ enyene, ye adaŋa nte okokopde, nyuŋ kpeme, nyuŋ kabare esit. Edieke mudu-kpemeke, nyedi nte inɔ, ndien udufiɔkke ini eke ndibuatde fi.

1ŊWED TIMOTHY 1:15

Ikɔ oro edi akpanikɔ, onyuŋ odot owo ɔbɔ ke ofuri esit, ete, Christ Jesus ekedi ke ererimbot ndinyaŋa mme idiɔk owo; emi ami ndide etubom mmɔ.

TITUS 2:1

EDI ama edi afo, tiŋ ikɔ eke ekemde ye eti ukpep-ŋkpɔ.

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

2 ŊWED TIMOTHY 4:3

Koro ini ɔmɔŋ edi eke mme owo midibɔhɔ eti ukpep-ŋkpɔ; ndien sia utɔŋ edebede mmɔ ndikop isio ikɔ, mmɔ eyekɔ mme andikpep enɔ idem nte ekemde ye mme idiɔk udɔŋ mmɔ,

1 ŊWED THESSALONICA 5:21

edomo kpukpru ŋkpɔ ese; emum se ifɔnde ekama;

MME ŊKE 23:23

Dep akpanikɔ, kunyuŋ unyam, ye eti ibuot, ye item, ye asian.

ŊWED JOB 2:3

Ndien Jehovah ɔdɔhɔ satan, ete, Nte afo omotim ese owo mi Job? Koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk; enye onyuŋ osuk omum mfɔn-mma esie akama; ndien afo ama esin mi nsobo enye ke minyeneke ntak.

ERIYARARE 3:11

Mmɔŋ ndi iwiwa. Sɔŋɔ mum se enyenede kama, mbak owo edibɔ anyanya fo.

ERIYARARE 2:25

esɔŋɔ emum se mbufo enyenede ekama tutu ndi.

JUDE 1:3

Ndima, ke ini nsinde ifik eti-eti ŋwet nnɔ mbufo mbaŋa erinyaŋa eke enyenede nnyin kpukpru, esit enyik mi ŋko ndiwet ŋkekpe ye mbufo nte, esɔŋɔ eŋwana kabaŋa ikɔ mbuɔtidem, emi ema ekeyak ini kiet ko esin nti ikɔt Abasi ke ubɔk.

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

2 ŊWED TIMOTHY 2:2

Nyuŋ men mme ikɔ emi okokopde mi ke inua ke iso ediwak ntiense, yak nɔ mbon akpanikɔ, eke edikemede ndikpep owo eŋwen ŋko.

1ŊWED TIMOTHY 4:9

Ikɔ emi edi akpanikɔ, onyuŋ odot owo ebɔ enye ke ofuri esit.

1ŊWED TIMOTHY 1:19

Yire mbuɔtidem ye eti esit kama; koro ndusuk owo ema etop enye eduɔk enyuŋ ewure ke uwem mbuɔtidem.

UTOM MME APOSTLE 18:28

Koro enye akande mme Jew aŋwa-aŋwa ke eneni, osioŋo ikɔ ke ŋwed Abasi, owut ete Jesus edi Christ.

ŊWED JOB 27:6

Mmomum nti ido mi ŋkama, ndinyuŋ nyakke enye nduɔk: esit mi itɔhɔke mi baba usen mi kiet.

1 ŊWED CORINTH 14:24

Edi edieke kpukpru mbufo esiakde uduak-Abasi, ndien owo emi minimke ke akpanikɔ minyuŋ ifiɔkke ŋkpɔ oduk edi, ikɔ mbufo kpukpru eyeyarare idem esie owut enye, onyuŋ odomo enye;

2 ŊWED TIMOTHY 3:14

Edi afo, yire ke se afo ekekpepde, onyuŋ otimde ɔfiɔk ete edi akpanikɔ; koro ɔmɔdiɔŋɔ owo emi ekekpepde fi, omonyuŋ ɔfiɔk ete,