TITUS 1:8 - Edisana ñwed Abasi Ibom

⁸ Enye enyene ndidi owo eke amade ndikama isen owo, ama eti ido, enyene eti ibuot, enyene edinen ido, enyene edisana ido, enyene mfara ke idem:

TITUS 1:8 Referans Kwoze

1ŊWED TIMOTHY 3:2

Ndien ada-idaha ufɔk Abasi enyene ndien ndidi owo emi owo mikemeke ndidori enye ikɔ; enyene ndidi ebe ŋwan kiet; enyene ndidi owo emi afarade ke idem, onyuŋ enyenede eti ibuot, onyuŋ otimde asaŋa, onyuŋ akamade isen owo, onyuŋ amade ndikpep owo ŋkpɔ.

TITUS 2:7

Ke kpukpru usuŋ kama idem fo ke iso mmɔ nte uwut-ŋkpɔ eti utom; ke ukpep-ŋkpɔ, nɔ mmɔ akpanikɔ eke minyeneke mbiara,

1 NDIDEM 5:7

Ekem adaŋemi Hiram okopde uyo Solomon, enye adat esit eti-eti, onyuŋ ɔdɔhɔ ete, Etoro Jehovah mfin emi, emi ama ɔkɔnɔ David eti ibuot eyen eke akarade akamba mbio emi.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

1 JOHN 3:14

Nnyin imɔfiɔk ite imɔwɔrɔ ke mkpa ibe iduk ke uwem, ke emi nnyin imade nditɔ-ete. Owo eke mimaŋa-ma osuk odu ke mkpa.

1ŊWED TIMOTHY 6:11

Edi afo, O owo Abasi, fehe kpɔŋ mme ŋkpɔ emi; nyuŋ bine edinen ido, ye uteŋe Abasi, ye mbuɔtidem, ye ima, ye ime, ye nsuhɔre-esit.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

1 ŊWED THESSALONICA 2:10

Mbufo edi mme ntiense, Abasi onyuŋ etiene ese, adaŋa nte nnyin ikadade ido eke asanade, onyuŋ enende, onyuŋ ananade ndo idu uwem ye mbufo emi enimde ke akpanikɔ:

ŊWED MME PSALM 16:3

se ifɔnde ye ami ibehe fi. Kpa ntre ye ndisana owo emi edude ke isɔŋ, ye ata nti owo emi ofuri idaresit mi otode mmɔ.

1 NDIDEM 5:1

EKEM Hiram edidem Tyre ɔdɔŋ mme isuŋ esie utom ke ɔtɔ Solomon: koro enye okokopde ete ke ema ekeyet enye aran enim ke edidem ke ibuot ete esie: koro Hiram ekedide ufan David kpukpru ini.

1 SAMUEL 18:1

EDIKEM adaŋemi enye ama ɔkɔdɔhɔ ye Saul ama, ukpɔŋ Jonathan eyire ye ukpɔŋ David, Jonathan onyuŋ ama enye nte ukpɔŋ esiemo.

2 ŊWED TIMOTHY 3:3

enana ima uduot owo; enyuŋ ebiat uŋwɔŋɔ; ema ebiari, eyak idiɔk itɔŋ akan mmɔ ubɔk, etie obom-obom, enyuŋ esua se ifɔnde;

2 ŊWED TIMOTHY 2:22

Fehe kpɔŋ mme idiɔk itɔŋ ini uyen, nyuŋ tiene mmɔ eke esemede ekot Ɔbɔŋ ke edisana esit, bine edinen ido, ye mbuɔtidem, ye ima, ye emem.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

LUKE 2:25

Ndien sese, owo kiet odu ke Jerusalem emi ekerede Simeon; owo emi edi edinen owo emi eteŋede Abasi, onyuŋ etiede ebet ndɔŋesit Israel: ndien Edisana Spirit odoro enye ke idem.

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.