TITUS 1:7 - Edisana ñwed Abasi Ibom

⁷ Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.

TITUS 1:7 Referans Kwoze

2 PETER 2:10

akpan-akpan mmɔ eke esaŋade ke ndek-ndek idiɔk itɔŋ obukidem edu uwem enyuŋ esinde mme andikara. Mmɔ edi mbon emiom ye mbon nsɔŋ-ibuot, inamke mmɔ ndik ndisuŋi mme akama-itie ubɔŋ:

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

1 PETER 4:10

Adaŋa nte mbufo kiet kiet ema ekebɔ enɔ ke ubɔk Abasi, eda enam ŋkpɔ enɔ kiet eken nte nti mme akama-ukpɔhɔre nsio-nsio ufɔn Abasi.

LUKE 12:42

Ndien Ɔbɔŋ ɔdɔhɔ ete, Anie ndien edi akama-ukpɔhɔre, emi anamde akpanikɔ onyuŋ edide ɔniɔŋ, emi ete-ufɔk esie edinimde enye nte andikara kpukpru mbon ufɔk esie, man enye edeme udia ɔnɔ mmɔ ke edikem ini?

EZEKIEL 44:21

Kuyak baba oku kiet ɔŋwɔŋ wine, ke ini mmɔ edukde ke esa.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

MME ŊKE 14:17

Owo eke ɔsɔpde ndiyat esit anam ndisime: enyuŋ esua owo idiɔk ekikere.

MME ŊKE 15:18

Owo iyaresit edemere utɔk: edi owo eke misɔpke iyaresit omum eŋwan.

TITUS 2:3

Kpep ŋkani iban ŋko ete, esaŋa ke ido uteŋe, ekudi mbon ebiari, ekunyuŋ eyak mmin akan mmɔ,

TITUS 1:5

Ŋkɔkpɔŋ fi ke Crete ke ntak emi, man afo eneŋere onim ŋkpɔ eke enanade, onyuŋ emek mbiowo onim ke obio ke obio, kpa nte ŋketemede fi;

ŊWED MBON PHILIPPI 1:1

PAUL ye Timothy, emi edide mme owo Christ Jesus, ewet ŋwed emi enɔ esɔk kpukpru ikɔt Abasi ke Christ Jesus emi edude ke Philippi, ye nyebiowo ye mme deacon:

MATTHEW 24:45

Anie ndien edi asaŋutom emi anamde akpanikɔ, onyuŋ enyenede ɔniɔŋ, emi ete esie okonimde ete, akara mbon ufɔk imɔ, onyuŋ ɔnɔ mmɔ udia ke edikem ini?

ECCLESIASTES 7:9

Kuyak spirit fo ɔsɔp iyaresit: koro iyaresit atakde ke ikpanesit mbon ndisime.

MME ŊKE 16:32

Owo eke misɔpke iyaresit ɔfɔn akan owo uko: ndien owo eke akarade esit esiemɔ ɔfɔn akan owo eke adade obio.

LEVITICUS 10:9

Kuŋwɔŋ wine ye mmin, afo, ye nditɔ fo ŋko, ke ini mbufo edukde efe esop, mbak mbufo edikpaŋa: nsinsi ewuhɔ edi emi ke ofuri emana mbufo:

GENESIS 49:6

Kuduk ke odu mmɔ ukpɔŋ mi! kudiana ke esop mmɔ, ubɔŋ mi! koro ke iyaresit mmɔ ke ekewot owo, ndien ke nsɔŋ-ibuot mmɔ ke