TITUS 1:16 - Edisana ñwed Abasi Ibom

¹⁶ Mmɔ edɔhɔ ete, mme imɔ ifiɔk Abasi; edi mmɔ ekaŋ Enye ke ido mmɔ, sia mmɔ ebiamde mbubiam, enyuŋ esɔŋde ibuot, enyuŋ ebiarade adaŋa nte mmɔ mikemeke ndinam ndomo eti utom kiet.

TITUS 1:16 Referans Kwoze

1 JOHN 2:4

Owo emi ɔdɔhɔde ete, Mmɔfiɔk Enye, ndien minimke mbet Esie, edi osu-nsu, akpanikɔ inyuŋ iduhe Enye ke esit;

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

1ŊWED TIMOTHY 5:8

Owo eke mitimke ŋkpɔ inɔ oruk esie, akpan-akpan mbon ufɔk esie, esiŋe nsa ye mbuɔtidem, onyuŋ ɔdiɔk akan owo eke minimke ke akpanikɔ.

ISAIAH 58:2

Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.

ISAIAH 48:1

EKOP ŋkpɔ emi, mbufo ufɔk Jacob, emi ekerede enyiŋ Israel, emi ekenyuŋ etode ke mmɔŋ Judah, emi etomode enyiŋ Jehovah, enyuŋ etiŋde enyiŋ Abasi Israel, edi idige ke akpanikɔ, inyuŋ idige ke eti ido.

1 SAMUEL 15:24

Ndien Saul ɔdɔhɔ Samuel, ete, Mmanam idiɔk: koro mmeŋ ŋkokpe uyo Jehovah, ye ikɔ fo: koro ŋkefehede mbon emi, nnyuŋ ŋkop uyo mmɔ.

ŊWED JOB 15:16

Ŋwaŋwa ediso se idehede inyuŋ ibiarade, kpa owo emi ɔŋwɔŋde idiɔk ido nte mmɔŋ!

1ŊWED TIMOTHY 1:9

inamke ibet inɔ nti owo, edi enam enɔ mme abiat-ibet ye mbon nsɔŋ-ibuot, ye mmɔ emi miteŋeke Abasi, ye me anam idiɔk, ye owo esit ndek,

NUMBERS 24:16

Uyo andikop ikɔ Abasi, ye eke andifiɔk ifiɔk Ata Edikoŋ, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

JEREMIAH 6:30

Eyekot mmɔ, ete obukpo silver, koro Jehovah esede mmɔ ke mbukpo.

MME ŊKE 30:12

Emana odu eke ebatde idem-mmɔ ke edisana, edi iyetke ndek mmɔ ifep.

ISAIAH 59:13

Ke inam idiɔk, isu nsu, ibaŋa Jehovah, ikabare ikpɔŋ Abasi nnyin, idɔhɔ ufik ye nsɔŋ-ibuot, iyomo inyuŋ itiŋ ikɔ nsu ke esit.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

JEREMIAH 12:2

Afo ɔkɔtɔ mmɔ ke isɔŋ, mmɔ enyuŋ emum ŋkam ke isɔŋ: eka iso, enyuŋ eŋwum mfri: afo emekpere ke inua mmɔ, edi oyom usuŋ ye ŋkpɔ esit idem mmɔ.

2 ŊWED TIMOTHY 3:17

man owo Abasi enyene ɔyɔhɔ ifiɔk, onyuŋ ebeŋe idem ke kpukpru nde ndinam eti utom ekededi.

TITUS 3:1

TI mmɔ ete esuk idem enɔ mme andikara ye mme enyene-idaha, enyuŋ esuk ibuot, enyuŋ ebeŋe idem ndinam kpukpru nti utom;

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.