TITUS 1:12 - Edisana ñwed Abasi Ibom

¹² Owo mmɔ kiet eke edide prophet ke otu mmɔ, ɔdɔhɔ ntem ete, Mbio Crete esuk edi mme osu-nsu, ndiɔi unam, mme ama udia eke etiede ifu.

TITUS 1:12 Referans Kwoze

1ŊWED TIMOTHY 4:2

emi mbon nsu, eke esit mmɔ odorode ufiɔn, edade mbubik ekpep.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

UTOM MME APOSTLE 17:28

Koro nnyin idodu ke Enye, inyuŋ isaŋa ke Enye inyuŋ inyene uwem nnyin ke Enye; kpa nte ndusuk ke otu mme etiŋ-uto mbufo edɔhɔde ete, Nnyin inyuŋ idi nditɔ Esie.

2 PETER 2:15

Mmɔ ekpɔŋ edinen usuŋ ediyo ebine afaŋ Balaam eyen Beor, emi akamade utip ukwaŋido;

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.

UTOM MME APOSTLE 2:11

ye mbon Crete ye eke Arabia, nnyin imokop mmɔ etiŋ ata mkpɔsɔŋ utom Abasi ke usem emana nnyin.

UTOM MME APOSTLE 27:7

Nnyin iwat suŋ-suŋ ediwak usen, inyuŋ iŋwana idikem iso ye Cnidus; ndien sia ofim miyakke nnyin ika iso, nnyin ikabare ibe Salmone, idiwat ke ŋkaŋ Crete emi ekuide nnyin;

UTOM MME APOSTLE 27:12

Ndien sia itie-uduɔk-ukwak oro mifɔnke ikem nte ubom anade do ke ukwɔ, akamba ubak mmɔ enɔ uyo ete, edianare do ewɔrɔ akpa, mme mme imɔ iyeŋwana ikeme ndisim Phoenix ikodu do ke ini ukwɔ. Phoenix edi itie-uduɔk-ukwak ke Crete, emi asakde iso ese edem usiaha-utin ke ŋkaŋ edere-edere ye ŋkaŋ usuk-usuk.

UTOM MME APOSTLE 27:13

Ndien ke ini ofim usuk ofimede suŋ-suŋ, mmɔ ebat ete mme imɔ imokut se iyomde; ntre ke mmɔ ekot ukwak, enyuŋ ewat ke mben inyaŋ Crete, ekpere isɔŋ.

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.

TITUS 1:5

Ŋkɔkpɔŋ fi ke Crete ke ntak emi, man afo eneŋere onim ŋkpɔ eke enanade, onyuŋ emek mbiowo onim ke obio ke obio, kpa nte ŋketemede fi;