TITUS 1:10 - Edisana ñwed Abasi Ibom

¹⁰ Koro ediwak mbon nsɔŋ-ibuot edu, eke edide mbio ikpikpu ndutiŋ ye mbio abiaŋa, akpan-akpan ke otu mme ana-mbobi.

TITUS 1:10 Referans Kwoze

1ŊWED TIMOTHY 1:6

Ndusuk owo ema edue ewɔŋɔre ekpɔŋ mme ŋkpɔ emi, ebine ikpikpu ndutiŋ;

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

ŊWED MBON GALATIA 2:4

Edi nnim gospel mi ke iso mmɔ kabaŋa nditɔ-ete abiaŋa emi edipde idem eduk edi ndiyep itie eyen-isɔŋ emi nnyin inyenede ke Christ Jesus, man eda nnyin eduk ufin:

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

UTOM MME APOSTLE 11:2

Edi ke ini Peter ɔdɔkde edi ke Jerusalem, mmɔ emi eyirede mbobi eneni eneni ye enye,

ERIYARARE 2:14

Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use:

ERIYARARE 2:6

Edi emenyene emi, ete asasua utom mme Nicolaitan, emi Ami nde nsuade.

1 JOHN 2:18

Ŋkpri nditɔ, emi edi ukperedem eyo: ndien nte mbufo ema ekop ete, andibiɔŋɔ Christ ke edi, kpa ke emi ediwak mme andibiɔŋɔ Christ ema ewɔrɔ ewut idem: nnyin ida emi ifiɔk ite, edi ukperedem eyo.

2 ŊWED TIMOTHY 4:4

eyenyuŋ esio utɔŋ efep ke akpanikɔ, enyuŋ ewɔŋɔre ebine ikpikpu mbuk.

1ŊWED TIMOTHY 1:4

ekunyuŋ ekpaŋ utɔŋ ke ŋke ye ata anyan mbuk emana, emi esinde eneni odu, edi mikpepke ŋkpɔ ibaŋa ido erinyaŋa Abasi eke asaŋade ye mbuɔtidem.

ŊWED MBON GALATIA 3:1

O MBON Galatia, emi enanade ibuot, anie ekebre esin mbufo ewɔŋɔre ekpɔŋ Jesus Christ; emi ekosiode ke iso mbufo nte owo emi ewotde ke cross?

UTOM MME APOSTLE 20:29

Mmɔfiɔk nte ke mma nnyɔŋ, mme idiɔk unam eyeduk ke otu mbufo, idiyuŋ ituaha otu erɔŋ mbɔm;

UTOM MME APOSTLE 15:1

EKEM ndusuk owo eto ke Judaea esuhɔre edi, enyuŋ ekpep nditɔ-ete, ete, Ke mbufo minaŋa mbobi nte Moses etemede, mbufo ikemeke ndibɔhɔ.

UTOM MME APOSTLE 15:24

Sia ima ikop ite ndusuk owo, emi etode ke otu nnyin ewɔrɔ, ema eda ikɔ-inua etimere mbufo, eyut mbufo ukpɔŋ ekabare;

1ŊWED TIMOTHY 1:9

inamke ibet inɔ nti owo, edi enam enɔ mme abiat-ibet ye mbon nsɔŋ-ibuot, ye mmɔ emi miteŋeke Abasi, ye me anam idiɔk, ye owo esit ndek,

TITUS 1:6

Owo eke mibiomke enye ikɔ, eke edide ebe ŋwaŋ kiet, onyuŋ enyenede nditɔ eke enimde ke akpanikɔ, nditɔ eke mme owo midorike mmɔ ikɔ ite edi mbon otime-otime ido ye nsɔŋ-ibuot.

1 JOHN 2:4

Owo emi ɔdɔhɔde ete, Mmɔfiɔk Enye, ndien minimke mbet Esie, edi osu-nsu, akpanikɔ inyuŋ iduhe Enye ke esit;

MATTHEW 23:14

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ekade ufɔk mme ebekpa, enyuŋ ebɔŋde akam ke abiaŋa; mmɔdo mbufo eyebɔ ufen eke okponde akan.