TITUS 1:1 - Edisana ñwed Abasi Ibom

¹ AMI Paul, emi ndide owo Abasi ye apostle Jesus Christ, man ndimek ikɔt Abasi enyene mbuɔtidem, enyuŋ enyene ifiɔk akpanikɔ eke asaŋade ye uteŋe Abasi, ke idori-enyin nsinsi uwem;

TITUS 1:1 Referans Kwoze

ŊWED MBON ROME 1:1

PAUL, owo Jesus Christ, emi Abasi okokotde ete edidi apostle, onyuŋ adianarede onim ɔnɔ gospel Esie

1ŊWED TIMOTHY 6:3

Kpep nyuŋ teme mmɔ enam ntem. Edieke owo ekededi ekpepde oruk ŋkpɔ eŋwen, minyuŋ inyimeke inɔ nti ikɔ, kpa ikɔ Ɔbɔŋ nnyin Jesus Christ, ye ukpep-ŋkpɔ eke ekemde ye uteŋe Abasi,

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

2 ŊWED TIMOTHY 2:23

Edi sin ndiduk ke ndisime eneni ɔkɔi sia ɔfiɔkde ete mmɔ ededemere utɔk.

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

2 PETER 3:11

Sia kpukpru ŋkpɔ emi edibiarade ntem, nso oruk owo ke mbufo ekpedi ke edisana ido ye ke uteŋe Abasi?

1ŊWED TIMOTHY 2:4

emi oyomde kpukpru owo enyene erinyaŋa, enyuŋ esim ifiɔk akpanikɔ.

ŊWED MBON COLOSSAE 2:2

man mmɔ ekpekam ekop nsɔŋ-esit, enyuŋ ekpep se ima edide. Mmɔ ekpekam esim ofuri uwak mbuɔtidem emi otode ke eritim mfiɔk ŋkpɔ. Mmɔ ekpekam ebure efiɔk ndibe-ŋkpɔ Abasi, oro edi Christ;

ŊWED MBON PHILIPPI 1:1

PAUL ye Timothy, emi edide mme owo Christ Jesus, ewet ŋwed emi enɔ esɔk kpukpru ikɔt Abasi ke Christ Jesus emi edude ke Philippi, ye nyebiowo ye mme deacon:

2 ŊWED CORINTH 1:1

PAUL, emi edide apostle Christ Jesus ke uduak Abasi, ye Timothy eyen-ete nnyin, ewet ŋwed emi enɔ esɔk ufɔk Abasi emi odude ke Corinth, ye kpukpru ikɔt Abasi emi edude ke ofuri Achaia.

UTOM MME APOSTLE 13:48

Ke ini mme Gentile ekopde emi mmɔ edat esit, enyuŋ ekpono ikɔ Ɔbɔŋ: ndien kpukpru mmɔ emi ekenimde enɔ nsinsi uwem ebuɔt idem.

1 CHRONICLES 6:49

Ndien Aaron ye nditɔ-iren esie efɔp uwa ke itie edifɔp uwa, ye ke itie ufɔp incense, ke ofuri utom ata edisana ebiet, ye ke erisio isop nnɔ Israel, kpa nte Moses owo Abasi eketemede kpukpru.

ŊWED MBON EPHESUS 2:8

Koro ke mfɔn ke ema enyaŋa mbufo oto ke mbuɔtidem: erinyaŋa emi inyuŋ itoho mbufo; edi Abasi ɔnɔnɔ:

1 JOHN 2:23

Kpukpru owo eke afaŋade Eyen inyeneke Ete: owo emi onyimede Eyen enyene Ete nde.

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

2 ŊWED TIMOTHY 2:10

Ntre ke mme ime ye kpukpru ŋkpɔ mbaŋa mmɔ emi Abasi ekemekde, man mmɔ ŋko enyene erinyaŋa emi odude ke Christ Jesus, enyuŋ ebɔ nsinsi ubɔŋ.

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;