RUTH 3:10 - Edisana ñwed Abasi Ibom

¹⁰ Ndien enye ɔdɔhɔ ete, Jehovah osuk ɔdiɔŋ fi, eyen mi, koro afo ɔfɔnde ido ke ukpere-edem akan eke mbemiso, sia muketieneke mkparawa, edide ubuene, onyuŋ edide enyene-ŋkpɔ.

RUTH 3:10 Referans Kwoze

RUTH 2:20

Ndien Naomi ɔdɔhɔ ŋwan eyen esie, ete, Jehovah emi mitreke mfɔn esie ye mme andidu uwem ye mme andikpa mkpa, osuk ɔfɔfɔn ye enye. Naomi onyuŋ ɔdɔhɔ enye, ete, Owo oro edi oruk nnyin, onyuŋ odu ke otu mmɔ emi ekpefakde nnyin.

RUTH 1:8

Ndien Naomi ɔdɔhɔ iban nditɔ esie mbiba, ete, Mbufo ekam enyɔŋɔ eka ke ufɔk eka mbufo: Jehovah akam onyuŋ anam se ifɔnde ye mbufo, kpasuk nte mbufo ekenamde ye mme andikpa mkpa ye ami ŋko:

RUTH 2:4

Ndien, sese, Boaz oto ke Beth-lehem edi, ndien enye ɔkɔm mbon ukpeŋe, ete, Jehovah osuk odu ye mbufo. Ndien mmɔ ebɔrɔ enye, ete, Jehovah osuk ɔdiɔŋ fi.

GENESIS 24:31

Ndien enye ete, Afo emi Jehovah ɔdiɔŋde, di; ke didie ke afo ada ke edem obio? Ami mmonyuŋ ndiɔŋ ufɔk, ye ebiet nnɔ mme camel.

RUTH 3:9

Ndien enye obup ete, Afo edi anie? Ndien enye ete, Ami ndi Ruth eyen fo aŋwan; da ufuhɔ-ŋkpɔ fo, fuk mi eyen fo aŋwan: koro afo edide owo eke akpafakde.

1 SAMUEL 15:13

Ekem adaŋemi Samuel osimde Saul, Saul ɔdɔhɔ enye, ete, Jehovah osuk ɔdiɔŋ fi: mma nnam ke uyo Jehovah.

RUTH 2:11

Ndien Boaz ɔbɔrɔ enye, ete, Ema etim edɔhɔ mi kpukpru se afo akanamde ye eka uberi, nte uberi akakpa; ye nte afo ɔkɔkpɔŋde usɔ ye uka, ye isɔŋ emana fo, onyuŋ edide ke obio eke akananam mufiɔkke.