RUTH 2:12 - Edisana ñwed Abasi Ibom

¹² Jehovah osuk ɔnɔ fi usiene utom fo, Jehovah Abasi Israel emi afo edide ndibuɔt idem fo ke idak mba esie, osuk ɔnɔ fi ofuri ŋkpɔ eyen-utom fo ŋko.

RUTH 2:12 Referans Kwoze

ŊWED MME PSALM 36:7

O Abasi, ima fo ɔsɔŋ urua adaŋa didie! nditɔ owo enyuŋ ebuɔt idem mmɔ ke mfut mba fo.

ŊWED MME PSALM 91:4

Enye eyeda ntaŋ esie ofuk fi, afo eyenyuŋ efehe oduk ke idak mba esie: akpanikɔ esie edi otu-ekɔŋ eke ekpemede fi.

ŊWED MME PSALM 63:7

Koro afo edide andiŋwam mi, ndien nyedara ke mfut mba fo.

ŊWED MME PSALM 17:8

Kpeme mi nte eyen enyin, fuk mi ke mfut mba fo,

ŊWED MME PSALM 61:4

Nyeduŋ ke tent fo ke nsinsi: nyedibe ke mfut mba fo. [Selah.]

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

1 SAMUEL 24:19

Ke ini owo okutde asua esie, nte eyeyak enye ɔbɔhɔ ke ifure? Jehovah osuk ada eti ŋkpɔ osio fi usiene ke ibuot ŋkpɔ emi afo akanamde ye ami mfin emi.

RUTH 1:16

Ndien Ruth ɔdɔhɔ ete, Kukpe mi ubɔk, ete nnyɔŋ ŋkpɔŋ fi, ntre nditiene fi: koro nyeka ke ebiet eke afo akade; nyenyuŋ nduŋ ke ebiet eke afo oduŋde: oruk fo eyedi oruk mi, Abasi fo eyenyuŋ edi Abasi mi:

ŊWED MME PSALM 57:1

TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

MME HEBREW 11:6

edi ke mbuɔtidem miduhe, owo ikemeke ndinem Abasi esit; koro owo eke asaŋade ekpere Abasi enyene ndinim ete Enye odudu, onyuŋ edi Andinɔ mmɔ emi eyomde Enye utip.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

MATTHEW 5:12

Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

2 ŊWED TIMOTHY 1:18

Ɔbɔŋ akpakam ayak enye okut mbɔm ke ubɔk Ɔbɔŋ ke usen oro. Afo omonyuŋ otim ɔfiɔk adaŋa nte enye anamde ediwak ŋkpɔ ɔnɔ mi ke Ephesus.

MATTHEW 6:1

EKPEME ekunam edinen ido mbufo ke iso owo, ete mmɔ ekut: enamde ntre, mbufo inyeneke utip ke ubɔk Ete mbufo emi odude ke heaven.

MME ŊKE 23:18

Koro ini ama odu ke iso, idisibeke ndien idori-enyin fo ifep.

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

ŊWED MME PSALM 58:11

Ndien owo eyedɔhɔ, ete, Kakpan ndinen owo edia mfri: kakpan Abasi eke ekpede ikpe ke ererimbot, omodu.

ŊWED MME PSALM 19:11

Enyuŋ eda mmɔ eteme owo fo; akamba udori oto ke erinim mmɔ.

ŊWED MBON COLOSSAE 2:18

Ekuyak baba owo kiet obiom mbufo ikpe nte enye amama, ke ikɔ nsuhɔre-idem, ye erituak ibuot nnɔ mme angel; oruk owo emi ebure mbure ke ŋkukut, enyuŋ ekohore idem ke ikpikpu ekikere obukidem;

RUTH 2:11

Ndien Boaz ɔbɔrɔ enye, ete, Ema etim edɔhɔ mi kpukpru se afo akanamde ye eka uberi, nte uberi akakpa; ye nte afo ɔkɔkpɔŋde usɔ ye uka, ye isɔŋ emana fo, onyuŋ edide ke obio eke akananam mufiɔkke.

RUTH 2:13

Ndien enye (Ruth) ɔdɔhɔ ete, Nen iso ye ami, ɔbɔŋ mi: koro afo ɔmɔdɔŋ mi esit, omonyuŋ ɔdɔhɔ eti ikɔ ye eyen fo ŋwan, okposuk edi nte ami mmentiehe nte owo kiet ke otu nditɔ fɔ iban.

RUTH 4:15

Enye eyenyuŋ edi andimenere uwem fo, ye andikama fi ke ini usɔŋ fo: koro ŋwan eyen fo emi amade fi, emi onyuŋ ɔfɔnde ye afo akan nditɔ-iren itiaba, amaman enye.

JEREMIAH 31:16

Ntem ke Jehovah ɔdɔhɔ, ete, Dop uyo fo, kutua eyet, tre enyin fo mmɔŋ eyet: koro utom fo enyenede utip, Jehovah ɔdɔhɔ: ndien mmɔ eyeto ke isɔŋ mme asua efiak edi.

1 SAMUEL 24:20

Ndien, sese, mmɔfiɔk nte ke afo udutreke ndidi edidem, nte ke itie edidem Israel eyenyuŋ ɔsɔŋ ada fi ke ubɔk.