RUTH 1:5 - Edisana ñwed Abasi Ibom

⁵ Ekem mmɔ mbiba, Mahlon ye Chilion ekpa ŋko-ŋko; ndien ŋwan oro osuk ikpɔŋ anana nditɔ esie mbiba ye ebe esie ŋko.

RUTH 1:5 Referans Kwoze

LUKE 7:12

Edi nte Enye ekperede inua-otop obio, sese, ke ebiom okpo owo ewɔrɔ; enye oro edi ikpɔŋ eyen eka esie, emi onyuŋ edide ebe-akpa: ediwak mbio-obio enyuŋ esaŋa ye enye.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

ISAIAH 49:21

Ndien afo eyedɔhɔ ke esit fo, ete, Anie akaman mme mmɔ emi ɔnɔ mi, ndien ami ŋkanana nditɔ, nnyuŋ ndi ada, ndi ibuot-ekɔŋ, ye owo eke etaŋde efep? Anie ɔkɔbɔk mme mmɔ emi? Sese, ami nsuk ikpɔŋ ke idem mi: mme mmɔ emi eto mmɔŋ?

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

RUTH 1:2

Ndien enyiŋ owo oro ekere Elimelech, enyiŋ ŋwan esie onyuŋ ekere Naomi, enyiŋ nditɔ-iren esie iba enyuŋ ekere Mahlon ye Chilion, Ephrathite emi etode ke Beth-lehem-judah. Ndien mmɔ eka ke idut Moab ekeduŋ do.

RUTH 1:4

Ndien mmɔ edɔ iban Moab; enyiŋ kiet ekere Orpah, enyiŋ kiet eken onyuŋ ekere Ruth: ndien mmɔ eduŋ do esim isua duop.

RUTH 1:6

Ndien enye adaha ye iban nditɔ esie, ɔnyɔŋ ɔkpɔŋ isɔŋ Moab: koro enye okokopde ke isɔŋ Moab, ete ke Jehovah ama ɔkɔfɔn ye ikɔt esie, onyuŋ ɔnɔ mmɔ udia.