RUTH 1:1 - Edisana ñwed Abasi Ibom

¹ EDIKEM ke eyo oro mme ebierikpe ekamade obio, akaŋ odu ke isɔŋ. Ndien owo kiet oto ke Beth-lehem-judah aka okoduŋ ke idut Moab, enye, ye ŋwan esie, ye nditɔ-iren esie iba.

RUTH 1:1 Referans Kwoze

GENESIS 12:10

Ekem, akaŋ odu ke edem oro: ndien Abram ɔsuhɔre aka Egypt ete idaŋ do; koro akaŋ ɔsɔŋde ke edem oro.

GENESIS 26:1

NDIEN akaŋ odu ke idut oro, adiana ye mbemiso akaŋ oro okodude ke ini Abraham. Ndien Isaac aka eketiene Abimelech ɔbɔŋ mme Philistine ke Gerar.

EZEKIEL 14:13

Eyen owo, adaŋemi idut eduede mi ke erinam idiɔk ido, ndien ami nyenyan ubɔk mi ndori enye, nnyuŋ mbuŋ esaŋ udia esie, nnyuŋ ndɔŋ akaŋ utom ke ɔtɔ esie, nnyuŋ nsibe owo ye unam ke esit mfep.

JUDGES 17:8

Ekem owo oro oto ke obio Bethlehem-judah ete ikoduŋ ke ebiet eke idikutde: ndien nte enye asaŋade ke usuŋ esie, enye osim obot Ephraim, edi ke ufɔk Micah.

LEVITICUS 26:19

Nyenyuŋ mbuŋ iseri odudu fo; nnyuŋ nnam ikpa-enyɔŋ mbufo etie nte ukwak, ye isɔŋ mbufo nte okpoho.

GENESIS 43:1

EKEM, akaŋ ɔsɔŋ ubɔk ke isɔŋ oro.

AMOS 4:6

Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

ŊWED MME PSALM 105:16

Ndien enye okot akaŋ esin ke isɔŋ; obuŋ ofuri esaŋ udia.

DEUTERONOMY 28:38

Afo eyesio ediwak mkpasip aka iŋwaŋ, edi editaŋ esisit: koro ŋkukuŋkpɔyɔriyɔ editade enye.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

JEREMIAH 14:1

UYO Jehovah emi okosim Jeremiah abaŋa anyan ndaeyo.

ŊWED MME PSALM 107:34

onyuŋ anam eti isɔŋ akabare edi inuŋ-inuŋ, ke abaŋa mme idiɔk ido mmɔ emi eduŋde ke esit.

1 NDIDEM 18:2

Ndien Elijah aka ndiwut Ahab idemesie. Akaŋ onyuŋ ɔsɔŋ ubɔk eti-eti ke Samaria.

JUDGES 12:8

Ndien Ibzan a Bethlehem ada itie esie ekpe ikpe Israel.

2 SAMUEL 21:1

NDIEN akaŋ odu ke ini David ke ofuri isua ita, ke isua, ke isua; ndien David oyom iso Jehovah. Ndien Jehovah ɔdɔhɔ ete, Oto Saul ye ufɔk iyip esie, koro enye okowotde mme Gibeonite.

JUDGES 17:7

Edikem eyen Beth-lehem-judah kiet emi otode ke oruk Judah, emi onyuŋ edide Levite, oduŋ do.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

1 CHRONICLES 2:51

ye Salma ete Beth-lehem, ye Hareph ete Beth-gader.

1 CHRONICLES 2:54

Nditɔ iren Salma; Beth-lehem, ye mme Netophathite, ye Atroth-beth-Joab, ye ubak mme Manahathite, ye mme Zorite.