PHILEMON 1:9 - Edisana ñwed Abasi Ibom

⁹ edi ke ntak ima mmakam ŋkabare ŋkpe ye afo, sia ntiede nte Paul, akani owo, nnyuŋ ndide owo-ŋkpɔkɔbi Christ Jesus ke emi;

PHILEMON 1:9 Referans Kwoze

ŊWED MBON EPHESUS 4:1

MMƆDO ami, emi ndide owo-ŋkpɔkɔbi ke Ɔbɔŋ, mmekpe mbufo ubɔk, nte, esaŋa nte odotde ikot emi ekokotde mbufo,

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

ŊWED MBON ROME 12:1

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

ŊWED MBON EPHESUS 3:1

KE ntak emi ami Paul, emi ndide owo-ŋkpɔkɔbi Christ Jesus mbaŋa mbufo mme Gentile—

1 PETER 2:11

Ndima mi, mmebeŋe mbufo nte oduduŋ ye mbon isaŋ, nte, edianare ekpɔŋ idiɔk udɔŋ obukidem, emi eŋwanade ye ukpɔŋ owo.

MME HEBREW 13:19

Ndien nsɔŋɔ mbeŋe mbufo nte edɔdiɔŋ enam ntem, man ekpenam ŋwara mfiak ntiene mbufo.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

ISAIAH 46:4

ndien tutu osim usɔŋ ami ndi enye; ami nyenyuŋ mbiom enye tutu osim iwat: edi ami ŋkanam, onyuŋ edi ami ndimenere, ndinyuŋ mbiom, nnyuŋ nnam mbufo ebɔhɔ.

MME ŊKE 16:31

Iwat edi anyanya ubɔŋ, ke usuŋ eti ido ke edikut enye.

ŊWED MME PSALM 71:18

Ndien ŋko, O Abasi, kukpɔŋ mi tutu nsim usɔŋ ye iwat, tutu nsiak ubɔk fo nnɔ emana emi, nsiak odudu fo nnɔ kpukpru mmɔ eke edidide.

ŊWED MME PSALM 71:9

Kumen mi ke ini usɔŋ uduɔk; kukpɔŋ mi ke ini odudu eyemerede mi.

ŊWED MBON GALATIA 3:26

Koro kpukpru mbufo edi nditɔ Abasi oto ke mbuɔtidem mbufo ke Christ Jesus.

ŊWED MBON EPHESUS 6:20

emi ndide isuŋ esie ke ŋkpɔkɔbi; kpaŋ ŋkwɔrɔ enye ye uko nte odotde mi ndikwɔrɔ.

1ŊWED TIMOTHY 1:12

Mmɔkɔm Enye emi ɔkɔnɔde mi ukeme, kpa Christ Jesus Ɔbɔŋ nnyin, koro Enye akabatde mi ke owo akpanikɔ, onyuŋ onimde mi ete nnam utom Esie;

TITUS 2:2

Kpep ŋkani owo ete efara ke idem, etie uku-uku, enyene eti ibuot, enyuŋ ekop idem ke mbuɔtidem, ye ima, ye ime.

JUDGES 21:22

Ndien ama ekem, adaŋemi mme ete mmɔ, ye nditɔ-ete mmɔ edide ndinam ikɔ ye nnyin, nnyin iyedɔhɔ mmɔ, ite, Mbufo eyak mmɔ enɔ nnyin: koro midige nnyin kpukpru ikut ŋwan nnyin ke ekɔŋ: koro midige mbufo enɔ mmɔ ke emi, eke mbufo ekpeduede isop.