PHILEMON 1:17 - Edisana ñwed Abasi Ibom

¹⁷ Edieke afo abatde mi ndien ke nsaŋa, da enye nte akpadade idem mi.

PHILEMON 1:17 Referans Kwoze

2 ŊWED CORINTH 8:23

Ke ebupde ebaŋa Titus, enye edi abuana-utom ye ami, enye asaŋa ye ami anam ŋkpɔ ɔnɔ mbufo; ke enyuŋ ebupde ebaŋa nditɔ-ete eken, mmɔ edi mme isuŋ mme ufɔk Abasi, mmɔ edi ubɔŋ Christ.

MATTHEW 10:40

Owo eke onyimede mbufo onyime Mi, ndien owo eke onyimede Mi onyime Andidɔŋ Mi.

PHILEMON 1:12

Mmɔdɔŋ enye afiak etiene fi, kpa enye, oro edi esit mi.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

MME HEBREW 3:1

MMƆDO, ndisana nditɔ-ete, emi enyenede udeme ke ikot eke otode ke heaven, ese Apostle ye Akwa Oku emi nnyin inyimede ite idi ikɔt Esie, kpa Jesus;

ŊWED MBON EPHESUS 3:6

ete, ke Christ Jesus, mme Gentile eyedi mme ebuana-udeme ye mme Jew, ye ndido idem kiet ye mmɔ, ye mme anditiene mmɔ mbuana ke uŋwɔŋɔ oto ke gospel:

UTOM MME APOSTLE 16:15

Edi ke ini enimde enye ye ufɔk esie baptism, enye ekpe ye nnyin ete, Edieke mbufo ebatde ete ndi owo akpanikɔ nnɔ Ɔbɔŋ, edi ke ufɔk mi editie do. Enye onyuŋ eyire nnyin.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 18:5

Owo ekededi eke edinyuŋ adarade oruk ekpri eyenɔwɔŋ emi kiet ke enyiŋ Mi adara Mi:

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

MME HEBREW 3:14

koro nnyin imakabare idi mme abuana ŋkpɔ ye Christ, edieke nnyin isɔŋɔde imum mbuɔtidem eke ikenyenede ke eritɔŋɔ tutu osim akpatre:

PHILEMON 1:10

mmekpe fi ubɔk mbaŋa eyen mi, emi mma mbon ke ŋkpɔkɔbi mi, kpa Onesimus, emi mikɔfɔnke ye afo ke ini oko;

1ŊWED TIMOTHY 6:2

Yak mmɔ emi enyenede ete-ufɔk eke onimde ke akpanikɔ ekuse enye ke ndek oto koro enye edide eyenete. Edi mmɔ ekam enam ŋkpɔ enɔ enye ekan, koro enye emi adiade ufɔn ubɔktom mmɔ edi owo mbuɔtidem ye edima owo Abasi.

ŊWED MBON PHILIPPI 1:7

kpa nte enende mi ndinyene utɔ ekikere emi mbaŋa kpukpru mbufo; mmum mbufo ke esit mi ŋkama, koro ke ŋkpɔkɔbi mi, ye ke eneni eke nnenide man gospel ɔsɔŋɔ ada, mbufo kpukpru esaŋa ntre ye ami ebuana mfɔn Abasi.

PHILEMON 1:18

Edieke enye ekeduede fi ke usuŋ ekededi, onyuŋ akamade fi isɔŋ, bat oro nɔ mi; ami Paul nda ubɔk mi ŋwet nte, Nyesio nnɔ fi.