OBADIAH 1:8 - Edisana ñwed Abasi Ibom

⁸ Jehovah ɔdɔhɔ ete, Nte ndisoboke mme ɔfiɔkŋkpɔ owo mfep ke Edom, ye eti-ibuot ke obot Esau ke usen oro?

OBADIAH 1:8 Referans Kwoze

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

ŊWED MME PSALM 33:10

Jehovah asuan uduak mme idut: enye anam mme ekikere mme obio ekpu.

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 19:11

Mbɔŋ Zoan ekabare edi ata ndisime, ama edi mme ɔfiɔkŋkpɔ owo ke otu mme ɔnɔ-item Pharaoh, mme item mmɔ etie ndisime ndisime: mbufo edinam didie edɔhɔ Pharaoh, ete, Ami ndi eyen mbon eti ibuot, eyen ndidem eyo oko? Mmɔ edu mmɔŋ?

ISAIAH 19:12

Enye mbon eti ibuot fo? Yak mmɔ esian fi ndien, enyuŋ efiɔk se Jehovah mme udim aduakde abaŋa Egypt.