OBADIAH 1:21 - Edisana ñwed Abasi Ibom

²¹ Ndien mbon eke enyaŋade eyedɔk ke obot Zion, edikpe ikpe obot Esau, ndien Jehovah eyeda ubɔŋ.

OBADIAH 1:21 Referans Kwoze

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

JAMES 5:20

owo eke akabarede anam-idiɔk osio ke ndudue usuŋ esie, eyenyaŋa ukpɔŋ esie ke mkpa, onyuŋ ofuk ekese mme idiɔk-ŋkpɔ.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

1ŊWED TIMOTHY 4:16

Tim kpeme idem fo, ye se afo ekpepde owo. Yire ke erinam utom emi; koro ke erinam utom afo eyenyaŋa idem fo ye mmɔ emi ekopde uyo fo.

ŊWED MME PSALM 22:28

Koro itie ubɔŋ enyenede Jehovah: enye onyuŋ akara ekondo.

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

ISAIAH 19:20

Ndien enye eyeda nte ŋkpɔ idiɔŋɔ ye ntiense ɔnɔ Jehovah mme udim ke isɔŋ Egypt: koro mmɔ esemede enɔ Jehovah ebaŋa mmɔ eke etukde mmɔ, ndien enye eyedɔŋ andinyaŋa eke edide akamba, onyuŋ anyaŋade mmɔ.

JUDGES 2:16

Edi Jehovah anam mme ebierikpe edaha eda eke enyaŋade mmɔ esio ke ubɔk mmɔ eke efikde mmɔ.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 19:6

Ndien ŋkop uyo emi ebietde mkpo akwa otu, ye uyom uwak mbufut, ye uyom ɔkpɔsɔŋ obuma ɔdɔhɔde ete, Hallelujah; koro Ɔbɔŋ Abasi nnyin, Andikara kpukpru ŋkpɔ, ada ubɔŋ.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

MATTHEW 6:10

Yak Ubɔŋ Fo edi; Yak inam uduak Fo; Nte enamde ke heaven, yak inam ke isɔŋ kpasuk ntre;

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

DANIEL 2:35

Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

ŊWED MME PSALM 102:15

Ndien mme idut eyefehe enyiŋ Jehovah, kpukpru ndidem ererimbot eyenyuŋ ebak ubɔŋ fo.

2 NDIDEM 13:5

(Ndien Jehovah ɔnɔ Israel andinyaŋa, ndien mmɔ ewɔŋɔ ke idak ubɔk Syria: nditɔ Israel enyuŋ eduŋ ke tent mmɔ, nte akpa.

JUDGES 3:9

adaŋemi nditɔ Israel esemede enɔ Jehovah, Jehovah edemere andinyaŋa ɔnɔ nditɔ Israel, eke anyaŋade mmɔ, kpa Othniel eyen Kenaz, ekpri eyen ete Caleb.

NEHEMIAH 9:27

Mmɔdo afo ekesinde mmɔ ke ubɔk mme asua mmɔ, eke efikde mmɔ. Ekem mmɔ eseme enɔ fi ke ini nnan-enyin mmɔ, afo onyuŋ etie ke enyɔŋ okop; ndien uwak mbɔm fo esin fi ɔnɔ mmɔ mme andi-nyaŋa eke enyaŋade mmɔ esio mme asua mmɔ ke ubɔk.

ŊWED MME PSALM 47:7

Koro Abasi edide edidem ke ofuri ererimbot; mbufo etim ekwɔ.

ŊWED MME PSALM 67:4

Yak mme obio edara enyuŋ ekwɔ: koro afo eyekpe ikpe mme idut nte enende, onyuŋ akama mme obio ke isɔŋ. [Selah.]

GENESIS 25:23

enye aka okobup Jehovah. Ndien Jehovah ɔdɔhɔ enye ete, Idut iba edu fi ke idibi, mbio iba eyenyuŋ edianare ke nsia fo; ndien idut kiet eyesɔŋ akan idut eken; ebiowo eyenyuŋ etie nte ofin eyenɔwɔŋ.

ŊWED MME PSALM 22:29

Kpukpru ikpɔ owo ererimbot eyedia, enyuŋ etuak ibuot: kpukpru mmɔ eke esu-hɔrede ke ntan eyenuhɔ ke iso esie: ye owo eke minimke uwem esiemɔ.

ISAIAH 24:23

Ndien but eyenam ɔfiɔŋ, utin eyenyuŋ ofuk but iso, koro Jehovah mme udim adade ubɔŋ ke obot Zion, ye ke Jerusalem, ubɔŋ onyuŋ odu ke iso mbiowo esie.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.