OBADIAH 1:16 - Edisana ñwed Abasi Ibom

¹⁶ Koro kpa nte emi mbufo ekeŋwɔŋde ke enyɔŋ edisana obot mi, kpukpru mme idut eye-ŋwɔŋ kpukpru ini, mmɔ eyenyuŋ eŋwɔŋ, enyuŋ emen esin ke idibi, ndien eyetie nte se mikoduhe.

OBADIAH 1:16 Referans Kwoze

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

JEREMIAH 49:12

Koro ntem ke Jehovah ɔdɔhɔ, ete, Sese, mmɔ eke mikenyeneke ndiŋwɔŋ cup oro iketreke ndiŋwɔŋ; nte afo edibɔhɔ ndien? Udubɔhɔke bɔhɔ: koro mudutreke ndiŋwɔŋ.

1 PETER 4:17

Koro ekem ini nte ikpe editɔŋɔde ke ufɔk Abasi; ndien edieke ikpe ɔtɔŋɔde ye nnyin, nso ididi utit mmɔ emi misukke ibuot inɔ gospel Abasi?

HABAKKUK 1:9

Kpukpru mmɔ edi ndinam afai: akwa otu iso mmɔ eneŋere ese; ndien mmɔ eyetaŋ mbuot-ekɔŋ nte ntan.

ISAIAH 42:14

Mma ndop uyo tutuko; (nte) ndisioroke uyo, nyemum idem mi ŋkama: nyefiori nte ŋwan uman; esit eyekibe mi, nyenyuŋ ŋkot ibifik ini kiet.

ŊWED ESEME 4:21

O adiaha Edom, emi oduŋde ke isɔŋ Uz, dara nyuŋ bre; cup eyenyuŋ ebe fi ŋko: afo eyeŋwɔŋ akpa, onyuŋ ɔfuhɔre idem fo.