OBADIAH 1:12 - Edisana ñwed Abasi Ibom

¹² Edi ukpesehe ke usen eyen-usɔ, ke usen oro enye akabarede edi esen owo; ukponyuŋ udatke esit ubaŋa nditɔ Judah, ke usen oro ekesobode mmɔ; ukponyuŋ ubureke mbure ke usen nnan-enyin.

OBADIAH 1:12 Referans Kwoze

MICAH 4:11

Ndien ke emi ediwak mme idut emesop idem ebaŋa fi, eke edɔhɔde, ete, Yak esabare enye, yak enyin nnyin enyuŋ ese Zion.

EZEKIEL 35:15

kpa nte afo akadatde esit abaŋa udeme ufɔk Israel, koro esobode enye; kpasuk ntre ke ndinam nnɔ fi: obot Seir, afo eyena ke nsobo; kpa ofuri Edom, ofuri esie. Ndien mmɔ eyefiɔk ete ke ami ndi Jehovah.

MME ŊKE 17:5

Owo eke asakde ubuene esue Andibot enye: owo eke adarade ke nnama idibɔhɔke ufen.

1 SAMUEL 2:3

Mbufo ekukɔbɔ nditiŋ iseri-iseri; ekuyak isa-isa ikɔ ɔwɔrɔ mbufo ke inua: koro Jehovah edi Abasi ifiɔk, enye onyuŋ odomo ido

2 PETER 2:18

Koro mmɔ etiŋ ikpikpu ikɔ ŋkpon-inua, enyuŋ eda obukpo ido esaŋa ke idiɔk itɔŋ obukidem, etap mmɔ emi ke ebɔbɔhɔ mbon nduyo.

JUDE 1:16

Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.

ŊWED MME PSALM 37:13

Ɔbɔŋ asak enye, koro enye okutde ete ke usen esie ɔmɔŋ edi.

ŊWED MME PSALM 31:18

Yak enam mkpɔk-inua nsu edop, emi edade iseri ye esuene edɔhɔ ɔkpɔsɔŋ ikɔ ye nti owo.

ŊWED MME PSALM 22:17

Mbat kpukpru ɔkpɔ mi: mmɔ ewuk enyin ese mi.

ŊWED JOB 31:29

Edieke nsobo usua mi ekenemde mi esit, mme ŋkadatde esit koro enye okutde idiɔk:

ERIYARARE 13:5

Ndien enɔ enye inua eke etiŋde ikpɔ ŋkpɔ ye isuŋi, enyuŋ enɔ enye nsɔŋ-uyo ndinam ntre ɔfiɔŋ aba ye iba.

JAMES 3:5

Kpa ntre ke edeme edi ekpri ndido, edi enye obure ata akamba mbure. Se nte ata ekpri ikaŋ obuberede ata akwa akai.

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,

ŊWED ESEME 4:21

O adiaha Edom, emi oduŋde ke isɔŋ Uz, dara nyuŋ bre; cup eyenyuŋ ebe fi ŋko: afo eyeŋwɔŋ akpa, onyuŋ ɔfuhɔre idem fo.

ISAIAH 37:24

Afo amada ubɔk ikɔt fo osuŋi Ɔbɔŋ, onyuŋ ɔdɔhɔ, ete, “Ami nda ediwak chariot mi ndɔk ke enyɔŋ ikpɔ obot, ye ke ŋkaŋ Lebanon; ndien nyekpeŋe ŋko-koŋo cedar esie, ye ndimek fir esie: nyenyuŋ nsin ata akpatre nsom esie, kpa eti iŋwaŋ akai esie.

ŊWED MME PSALM 92:11

Ndien enyin mi eyese mme asua mi, utɔŋ mi eyenyuŋ okop mme idiɔk owo emi enamde ikɔ ye ami.

ŊWED MME PSALM 59:10

Abasi mi eyeda mbɔm esie osobo ye ami: Abasi eyenyuŋ anam mi nse mme asua mi.

ŊWED MME PSALM 54:7

Koro enye amababare mi mbaba kpukpru: enyin mi omo-nyuŋ ese mme asua mi.

ŊWED JOB 18:20

Mme mmɔ emi edude ke edem usop-utin ekpa idem ebaŋa usen esie: ndien ndik anam mmɔ emi edude ke edem usiaha-utin.

ŊWED MME PSALM 35:15

Edi iduɔ mi adat mmɔ esit, mmɔ enyuŋ esop idem, mbukpo owo esop idem ebaŋa mi, ndien mfiɔkke: ewai inyuŋ idopke.

ŊWED ESEME 2:16

Kpukpru mme asua fo eŋwaŋade inua mmɔ ese fi; esi, enyuŋ eta edet: edɔhɔ ete, Nnyin imemen enye isin ke idibi; ŋkɔm emi edi usuŋ eke nnyin ibetde; nnyin imesime, imekut enye.

EZEKIEL 35:12

Ndien afo eyefiɔk ete ke ami Jehovah ŋkokop kpukpru isuŋi emi afo ɔkɔdɔhɔde abaŋa ikpɔ obot Israel, ete, Emebiara; eda mmɔ enɔ nnyin idia.

EZEKIEL 36:5

Mmɔdo ntem ke Ɔbɔŋ Jehovah ɔdɔhɔ, ete, Nditreke ndida ikaŋ ufup mi ndɔhɔ ikɔ mbaŋa mme idut emi esuhɔde, nnyuŋ mbaŋa ofuri Edom, emi ekenimde isɔŋ mi enɔ idem mmɔ, ete ida enye inyene, ofuri esit adat mmɔ, ukpɔŋ mmɔ onyuŋ ese ke ndek, man mben isɔŋ esie edi ŋkpɔ mbume.