OBADIAH 1:10 - Edisana ñwed Abasi Ibom

¹⁰ Afai oro afo akanamde ye Jacob eyen-usɔ eyesin but ofuk fi, eyenyuŋ esibe fi efep ke nsinsi.

OBADIAH 1:10 Referans Kwoze

AMOS 1:11

Ntem ke Jehovah ɔdɔhɔ, ete, Idiɔk ido Edom ita ye inaŋ iyakke mi ŋkabare enye (ufen) mfep; koro enye akadade ofut ebine eyen-ete esie, onyuŋ ɔduɔk mbɔm, iyaresit esie onyuŋ osuk awai ke nsinsi, enye onyuŋ ɔkɔhɔde ifuresit esie ke nsinsi.

EZEKIEL 35:9

Nyenam fi edi nsinsi nsobo, idinyuŋ iduŋke mme obio mbufo: ndien mbufo eyefiɔk ete ke ami ndi Jehovah.

ŊWED MME PSALM 89:45

Afo amakpaha ini uyen esie: omonyuŋ ada but ofuk enye. [Selah.]

GENESIS 27:41

Ndien Esau asua Jacob, abaŋa eridiɔŋ oro ete esie ɔkɔdiɔŋde enye: Esau onyuŋ ɔdɔhɔ ke esit esie ete, Ini eritua ete mi ekpere: ndien nyewot Jacob eyen-eka mi.

ŊWED MME PSALM 137:7

O Jehovah, ti usen Jerusalem nɔ nditɔ Edom, emi ekedɔhɔde, ete, “Mbufo enam iferi, enam iferi, tutu esim isɔŋ esie.”

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

JOEL 3:19

Egypt eyekabare edi obukpo, Edom eyenyuŋ akabare edi ikpikpu wilderness, oto ke afai emi mmɔ ekenamde nditɔ Judah, koro mmɔ ekeduɔkde iyip owo eke miduehe isop ke isɔŋ mmɔ.

EZEKIEL 7:18

Mmɔ eyebɔbɔ ɔfɔŋ idet ke idem; ndik eyenyuŋ ofuk mmɔ ke idem; but eyenyuŋ ofuk mmɔ kpukpru iso: ibɔ eyenyuŋ odu mmɔ kpukpru ke ibuot.

ŊWED ESEME 4:21

O adiaha Edom, emi oduŋde ke isɔŋ Uz, dara nyuŋ bre; cup eyenyuŋ ebe fi ŋko: afo eyeŋwɔŋ akpa, onyuŋ ɔfuhɔre idem fo.

JEREMIAH 51:51

But akanam nnyin, koro nnyin ikokopde esuene: but okofuk nnyin iso: koro isen owo ekedukde ke edisana ebiet ufɔk Jehovah.

JEREMIAH 49:13

Koro Jehovah ɔdɔhɔde, ete, Mmotomo idem mi, nte ke Bozrah eyekabare edi ŋwure, ye esuene, ye nsobo, ye isuŋi: kpukpru mme obio esie eyenyuŋ edi nsinsi nsobo.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

ŊWED MME PSALM 132:18

Nyeda but nsine mme asua esie ke idem: edi anyanya emi enye ayarade eyesiaha.”

ŊWED MME PSALM 109:29

Esuene eyesine mme asua mi ke idem, mmɔ eyenyuŋ eda but mmɔ nte ekura, efuk idem.

ŊWED MME PSALM 69:7

Koro mmokut but mbaŋa fi; esuene omofuk mi iso.

GENESIS 27:11

Ndien Jacob ɔdɔhɔ Rebekah eka esie ete, Sese Esau eyen-eka mi edi idet-idet owo,

DEUTERONOMY 23:7

Kusua eyen Edom: koro enye edide eyen-usɔ; kusua eyen Egypt: koro afo ekededi esen ke isɔŋ mmɔ.

2 CHRONICLES 28:17

Ndien mme Edomite etɔŋɔ ntak edi edisuan Judah, enyuŋ etaŋ owo efep.

MME ŊKE 10:6

Ufɔn odoro eti owo ke ibuot: edi inua mme idiɔk owo odip afai.

DEUTERONOMY 23:8

Nditɔ eke emanade enɔ mmɔ eyekeme ndiduk ke esop Jehovah ke ɔyɔhɔ emana mmɔ ita.

MME ŊKE 17:5

Owo eke asakde ubuene esue Andibot enye: owo eke adarade ke nnama idibɔhɔke ufen.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

ŊWED ESEME 4:22

O adiaha Zion, ufen idiɔk ido fo omokure; enye iditaŋke aba fi ifep: enye eyenɔ fi ufen idiɔk ido, O adiaha Edom; eyeyarare idiɔk ido fo.