OBADIAH 1:1 - Edisana ñwed Abasi Ibom

¹ NKUKUT OBADIAH. Ntem ke Ɔbɔŋ Jehovah ɔdɔhɔ abaŋa Edom; ete, Nnyin imekop etop emi otode Jehovah; emenyuŋ edɔŋ mme isuŋ utom ke otu mme idut, ete, Mbufo edaha ke enyɔŋ, nnyin idaha ke enyɔŋ ika ekɔŋ ye enye.

OBADIAH 1:1 Referans Kwoze

JOEL 3:19

Egypt eyekabare edi obukpo, Edom eyenyuŋ akabare edi ikpikpu wilderness, oto ke afai emi mmɔ ekenamde nditɔ Judah, koro mmɔ ekeduɔkde iyip owo eke miduehe isop ke isɔŋ mmɔ.

ISAIAH 30:4

Koro mbɔŋ esie edude ke Zoan, mme isuŋutom esie enyuŋ esim ke Hanes.

ISAIAH 21:11

Uyo Abasi emi abaŋa Dumah. Owo etie ke Seir ofiori okot mi, ete, Andikpeme, edi ŋkanika ifaŋ ke okoneyo? Andikpeme, edi ŋkanika ifaŋ ke okoneyo?

ŊWED MME PSALM 137:7

O Jehovah, ti usen Jerusalem nɔ nditɔ Edom, emi ekedɔhɔde, ete, “Mbufo enam iferi, enam iferi, tutu esim isɔŋ esie.”

MARK 13:7

Edi adaŋemi mbufo edikopde ebaŋa ekɔŋ ye etop ekɔŋ, ekuyak esit etimere mbufo; mme ŋkpɔ emi enyene ndiwɔrɔ, edi idige utit kaŋa

MATTHEW 24:6

Mbufo eyenyuŋ ekop ebaŋa ekɔŋ ye etop ekɔŋ; ekpeme ekutimere esit; koro mme ŋkpɔ emi enyene ndiwɔrɔ; edi idige utit kaŋa.

MICAH 2:13

Andibuŋ emebem mmɔ iso ɔdɔk: mmɔ emebuŋ, enyuŋ ebe eduk ke inua-otop, enyuŋ eto ke esit ewɔrɔ: edidem mmɔ omonyuŋ ebem mmɔ iso ebe; Jehovah onyuŋ asaŋa nte etubom mmɔ.

JEREMIAH 51:46

Ndien ekuyak esit emem mbufo, ekunyuŋ edikhe ebaŋa etop eke edikopde ke isɔŋ, etop eyenyuŋ edi mbun, etop eyenyuŋ etiene edem ke ebem, ndien afai eyedu ke isɔŋ, andikara aŋwana ye andikara.

JEREMIAH 25:21

ye Edom, ye Moab, ye nditɔ Ammon;

JEREMIAH 25:17

Ndien mbɔ Jehovah cup oro ke ubɔk, nda nnɔ kpukpru mme idut oro Jehovah ɔkɔdɔŋde mi utom ke otu mmɔ, nte eŋwɔŋ:

ISAIAH 21:12

Andikpeme ɔdɔhɔ, ete, Usenubɔk ke edi, ye okoneyo ŋko: edieke mbufo eyomde ndibup, ebup: efiak edi.

GENESIS 25:30

Ndien Esau ɔdɔhɔ Jacob, ete, Mbɔk, nɔ mi ididuot udia emi ndia, koro mmakpa mba: mmɔdo

GENESIS 36:8

Ndien Esau oduŋ ke obot Seir, Esau edi Edom.

GENESIS 36:9

Ndien mme mmɔ emi edi ubon Esau, ete Edom ke obot Seir.

EZEKIEL 35:1

NDIEN uyo Jehovah osim mi, ete, Eyen owo, wuk iso fo se obot Seir,