NUMBERS 9:22 - Edisana ñwed Abasi Ibom

²² Ekpedi usen iba, ekpedi ɔfiɔŋ kiet, ekpedi isua, ke obubit enyɔŋ ebigi ke ebiet-iduŋ, onyuŋ odoro ke enyɔŋ, nditɔ Israel etie, inyuŋ iwuhɔkede; edi ke enye ama adaha, mmɔ ewuhɔre.

NUMBERS 9:22 Referans Kwoze

ŊWED MME PSALM 32:8

Nyeteme fi, nnyuŋ ŋwut fi usuŋ eke afo edisaŋade: nyeteme fi, nyetiŋ fi enyin mi ke idem.

UTOM MME APOSTLE 1:4

Ndien ke ini Enye osobode ɔtɔ kiet ye mmɔ, Enye ɔnɔ mmɔ uyo ete ekukpɔŋ Jerusalem, edi etie ebet se Ete ɔkɔŋwɔŋɔde ndinɔ; emi mbufo ekokopde ke inua Mi:

ŊWED MME PSALM 143:10

Teme mi ndinam se afo amade: koro afo edide Abasi mi: spirit fo ɔmɔfɔn, yak enye ada mi aka ke isɔŋ edinen ido.

ŊWED MME PSALM 107:7

Ndien enye ada mmɔ asaŋa ke edinen usuŋ, man eka obio iduŋ.

ŊWED MME PSALM 77:20

Afo eteme ikɔt fo usuŋ nte ufene, ke ubɔk Moses ye Aaron.

ŊWED MME PSALM 73:24

Afo eyeda mi usuŋ ke item fo, ndien ama ekem, eyeda mi edisim ke ubɔŋ.

ŊWED MME PSALM 48:14

Koro Abasi emi edide Abasi nnyin ke nsinsi: enye eyeda nnyin usuŋ tutu osim ke mkpa.

NUMBERS 9:17

Ndien adaŋemi obubit enyɔŋ adahade ke efe, nditɔ Israel ewuhɔre: ndien ke ɔtɔ eke obubit enyɔŋ adade, do ke nditɔ Israel ewuk tent.

NUMBERS 8:20

Ndien Moses ye Aaron, ye kpukpru mbon esop nditɔ Israel, eda kpukpru se Jehovah eketemede Moses abaŋa mme Levite, enam ye mme Levite, ntem ke nditɔ Israel enam ye mmɔ.

NUMBERS 1:54

Ndien nditɔ Israel enam kpukpru se Jehovah eketemede Moses, ntem ke mmɔ enam.

EXODUS 40:16

Ntem ke Moses anam: kpa nte Jehovah eketemede enye kpukpru ŋkpɔ, kpa ntre ke enye anam.

EXODUS 39:42

Kpa nte Jehovah eketemede Moses kpukpru, kpa ntre ke nditɔ Israel enam ofuri utom.

NUMBERS 9:21

Ndien ntre ke ini obubit enyɔŋ ebigide ke mbubreyo tutu eyo esiere, ndien obubit enyɔŋ edidaha ke usenubɔk, mmɔ ewuhɔre: edide ke uwemeyo, onyuŋ edide ke okoneyo ke obubit enyɔŋ adaha, mmɔ ewuhɔre.