NUMBERS 8:7 - Edisana ñwed Abasi Ibom

⁷ Ndien ntem ke afo edinam ye mmɔ, ke erinam mmɔ esana: da mmɔŋ idiɔk ido sime mmɔ ke idem, yak mmɔ enyuŋ ekporo ofuri idem mmɔ, enyuŋ eyet edisine-ŋkpɔ mmɔ, ndien ntem ke mmɔ edinam idem mmɔ esana.

NUMBERS 8:7 Referans Kwoze

NUMBERS 19:13

Owo ekededi eke otukde okpo owo eke akpade ndien miyetke idem esie, asabare iduŋ Jehovah: ndien mmɔ enyene ndisibe owo oro mfep ke otu Israel: koro mikesimeke enye mmɔŋ udarade ndek, enye eyedi edidehe; ndek esie osuk adiana enye ke idem.

LEVITICUS 8:6

Ndien Moses ada Aaron ye nditɔ esie edi, onyuŋ eyet mmɔ mmɔŋ.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

MME HEBREW 9:13

Koro edieke iyip ebot ye eke nyara enaŋ, ye ntɔŋ abak enaŋ edade esime mmɔ emi edehede, anamde mmɔ esana ke obukidem;

MME HEBREW 9:10

sia mme uwa oro (mmɔ esaŋa ye udia ye eriŋwɔŋ-ŋkpɔ ye nsio-nsio uyere-mmɔŋ) edide enyɔŋ-enyɔŋ ido obukidem, emi enɔde owo enim tutu osim ini eke edidiɔŋde kpukpru ŋkpɔ.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

ISAIAH 52:15

kpa ntre ke enye edisime ediwak mme idut; ndidem eyekubi inua enɔ enye: koro emekut se miketiŋke inɔ mmɔ, emenyuŋ enim ibuot ke se mmɔ mikokopke.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

NUMBERS 31:20

Enyuŋ esio ndek efep ke kpukpru ɔfɔŋ-idem, ye kpukpru ŋkpɔ ikpa, ye kpukpru se enamde ke idet ebot, ye ke kpukpru ŋkpɔ eto.

LEVITICUS 16:28

Ndien ŋko owo eke ɔfɔpde mmɔ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre, oduk ke esit nna.

LEVITICUS 15:27

Ndien kpukpru owo eke etukde ŋkpɔ oro edehe, enyuŋ enyene ndiyet edisine-ŋkpɔ mmɔ, nnyuŋ nyet idem-mmɔ ke mmɔŋ, ndien edehe tutu osim mbubreyo.

LEVITICUS 15:6

Owo eke etiede ke ŋkpɔ eke owo udɔŋɔ oro etiede ke esit, onyuŋ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ, ndien edehe tutu osim mbubreyo.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

NUMBERS 8:21

Ntem ke enam mme Levite esana, ndien mmɔ eyet edisine-ŋkpɔ mmɔ; Aaron onyuŋ osio isop ɔnɔ mmɔ, onyuŋ anam mmɔ esana.