NUMBERS 8:11 - Edisana ñwed Abasi Ibom

¹¹ ndien yak Aaron ofuŋ ke iso Jehovah ke edifuŋ uwa nditɔ Israel, man mmɔ enam ŋkpɔ Jehovah.

NUMBERS 8:11 Referans Kwoze

LEVITICUS 7:30

Yak ubɔk esiemɔ emen uwa ikaŋ Jehovah edi: yak enye ada ikpɔŋ ɔkɔrɔ ke ikɔŋesit edi: ikɔŋesit, man efuŋ enye ke edifuŋ uwa ke iso Jehovah.

NUMBERS 6:20

ndien yak oku ofuŋ mmɔ ke edifuŋ uwa ke iso Jehovah: emi edi edisana ŋkpɔ oku, ɔkɔrɔ ye ikɔŋesit emi efuŋde, ye afara emi emenerede ke enyɔŋ: ndien ke oro ebede, Nazirite oro emekeme ndiŋwɔŋ wine.

LEVITICUS 8:29

Ndien Moses emen ikɔŋesit, onyuŋ ofuŋ enye ke edifuŋ uwa ke iso Jehovah: ubak okukim eriyɔhɔ ubɔk emi edi udeme Moses; kpa nte emi Jehovah eketemede Moses.

LEVITICUS 8:27

ndien emen kpukpru esin Aaron ke ubɔk ye ke ubɔk nditɔ esie, ndien ofuŋ mmɔ ke edifuŋ uwa ke iso Jehovah.

EXODUS 29:24

Ndien men kpukpru sin Aaron ke ubɔk, ye ke ubɔk nditɔ esie; nyuŋ fuŋ mmɔ ke edifuŋ uwa ke iso Jehovah.

LEVITICUS 7:34

Koro mbɔde nditɔ Israel edifuŋ ikɔŋesit ye edimenere afara, nsioŋo ke mme uwa emem mmɔ, nda nnɔ Aaron oku ye nditɔ esie ke nsinsi ewuhɔ, ke otu nditɔ Israel.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.