NUMBERS 6:3 - Edisana ñwed Abasi Ibom

³ Yak enye adianare idem esie ke wine ye mmin, okunyuŋ ɔŋwɔŋ vinegar wine, okunyuŋ ɔŋwɔŋ vinegar mmin, okunyuŋ ɔŋwɔŋ se efikde grape enyimi, okunyuŋ adia mbufa grape ye edisat.

NUMBERS 6:3 Referans Kwoze

LUKE 1:15

Koro enye eyekpon ke iso Jehovah; idiŋwɔŋke wine ye ɔkpɔsɔŋ mmin; eyenyuŋ ɔyɔhɔ ye Edisana Spirit toto ke emana esie;

1ŊWED TIMOTHY 5:23

Kuŋwɔŋ mmɔŋ-mmɔŋ aba, edi da wine esisit kabaŋa idibi fo ye unana nsɔŋidem eke ɔkɔbɔde fi.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

AMOS 2:12

Ndien mbufo ekenɔ mme Nazirite wine eŋwɔŋ, enyuŋ ewuk mme prophet, ete, “Mbufo ekutiŋ prophecy.”

JUDGES 13:14

Enye okudia baba ŋkpɔ kiet eke otode ke vine, okunyuŋ ɔŋwɔŋ wine ye mmin, okunyuŋ adia baba edidehe ŋkpɔ kiet: yak enye etiŋ enyin ke kpukpru se ŋketemede enye.

LEVITICUS 10:9

Kuŋwɔŋ wine ye mmin, afo, ye nditɔ fo ŋko, ke ini mbufo edukde efe esop, mbak mbufo edikpaŋa: nsinsi ewuhɔ edi emi ke ofuri emana mbufo:

1 ŊWED THESSALONICA 5:22

Ebet kpukpru oruk idiɔk-ŋkpɔ.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

MME HEBREW 9:10

sia mme uwa oro (mmɔ esaŋa ye udia ye eriŋwɔŋ-ŋkpɔ ye nsio-nsio uyere-mmɔŋ) edide enyɔŋ-enyɔŋ ido obukidem, emi enɔde owo enim tutu osim ini eke edidiɔŋde kpukpru ŋkpɔ.

NUMBERS 6:4

Kpukpru usen eke enye adianarede idem esie, enye okudia baba ofuri ŋkpɔ kiet eke enamde ke vine, edide mkpasip, onyuŋ edide ikpɔk.

JUDGES 13:4

Mbɔk, tim kpeme idem fo, ndien, kunyuŋ uŋwɔŋ wine ye mmin; kunyuŋ udia edidehe ŋkpɔ baba kiet:

AMOS 2:11

Ndien nda ndusuk nditɔ-iren mbufo nnim ke prophet, nda ndusuk mkparawa mbufo nnim ke Nazirite. Nte idighe kpa ntre, mbufo nditɔ Israel? Emi edi uyo Jehovah.