NUMBERS 6:26 - Edisana ñwed Abasi Ibom

²⁶ Jehovah akam enen iso ye afo, onyuŋ ɔnɔ fi ifure.

NUMBERS 6:26 Referans Kwoze

ŊWED MME PSALM 4:6

Ediwak owo edɔhɔ ete, Anie ediwut nnyin ufɔn? O Jehovah, nam uŋwana iso fo ayama ɔnɔ nnyin.

2 ŊWED THESSALONICA 3:16

Ɔbɔŋ emem ke Idem Esie akpakam ɔnɔ mbufo emem kpukpru ini, ŋkpɔ etie nte etetie. Ɔbɔŋ akpakam odu ye kpukpru mbufo.

ŊWED MME PSALM 29:11

Jehovah enenɔ ikɔt esie odudu; Jehovah eyeda emem ɔdiɔŋ ikɔt esie.

ŊWED MBON ROME 15:13

Abasi idori-enyin akpakam ɔyɔhɔ mbufo ye kpukpru idaresit ye emem ke mbuɔtidem mbufo, man mbufo enyene uwak idori-enyin oto ke odudu Edisana Spirit.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

UTOM MME APOSTLE 2:28

Afo omowut mi usuŋ uwem; Eyenam mi nnyene ɔyɔhɔ idaresit ke iso Fo.

ISAIAH 26:3

Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

ŊWED MBON ROME 15:33

Abasi emem akpakam odu ye mbufo kpukpru. Amen.

JOHN 20:21

Jesus ɔtɔŋɔ ntak ɔdɔhɔ mmɔ ete, Emem osuk odu ye mbufo. Nte Ete okosiode Mi ɔdɔŋ, kpa ntre ke Ami nnyuŋ nsio mbufo ndɔŋ.

ŊWED MME PSALM 42:5

Ukpɔŋ mi, nsinam afo ɔfuhɔde, onyuŋ etimerede mi ke idem? Dori enyin ye Abasi; koro nyesuk ŋkɔm enye ke erinyaŋa iso esie.

ŊWED MBON PHILIPPI 4:7

Ndien emem Abasi, emi ayaŋade ifiɔk owo, eyekpeme mbufo esit ye ekikere ke Christ Jesus.

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

ISAIAH 57:19

Jehovah ɔdɔhɔ ete, Mbot mfri mkpɔk-inua; emem, emem, nnɔ owo eke oyomde usuŋ ye owo eke ekperede, ndien nyekɔk enye.

ISAIAH 26:12

O Jehovah, afo eyenɔ nnyin emem: koro afo amanam idem kpukpru utom nnyin ɔnɔ nnyin.

ŊWED MME PSALM 89:15

Ɔfɔfɔn ɔnɔ mmɔ eke efiɔkde mkpo idara: O Jehovah, mmɔ eyesaŋa ke uŋwana iso fo.

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

JOHN 20:26

Ŋko ke usen itiaita ema ekebe, mbet Jesus etɔŋɔ ntak ebono ke ufɔk, Thomas onyuŋ odu ye mmɔ. Ke ema ekeberi usuŋ, Jesus edi edida ke ufɔt mmɔ, onyuŋ ɔdɔhɔ mmɔ ete, Emem osuk odu ye mbufo.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

MICAH 5:5

Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MBON EPHESUS 6:23

Emem ye ima eke asaŋade ye mbuɔtidem akpakam oto ke ubɔk Abasi Ete ye Ɔbɔŋ Jesus Christ etiene nditɔ-ete.

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.