NUMBERS 5:3 - Edisana ñwed Abasi Ibom

³ mbufo esioŋo eren ye ŋwan efep enim ke edem nna; man ekusabare mme nna mmɔ emi ami nduŋde ke otu mmɔ.

NUMBERS 5:3 Referans Kwoze

DEUTERONOMY 23:14

Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

TITUS 3:10

Owo emi ɔtɔde ubahare ke ufɔk Abasi, kusaŋa aba ŋkpɔ ye enye, ke ama ɔkɔnɔ enye item utim ikaba;

2 ŊWED THESSALONICA 3:6

Imada enyiŋ Ɔbɔŋ nnyin Jesus Christ isɔŋɔ inɔ mbufo uyo, ite edianare idem ye eyen-ete ekededi eke asaŋade otime-otime, minyuŋ isaŋake ke item eke ekɔbɔde ke inua nnyin.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ŊWED MME PSALM 68:18

Ɔbɔŋ odu ke otu mmɔ; Sinai odu ke edisanan ebiet. Afo ɔkɔdɔk ke enyɔŋ, ataŋ mbuot ekɔŋ ɔnyɔŋ: ɔbɔ enɔ ke otu owo; ye ke otu mbon nsɔŋ-ibot ŋko-ŋko, man afo oduŋ do, O Jehovah Abasi.

1 NDIDEM 7:3

Ndien eda cedar efuk enye ke enyɔŋ ubet emi edude ke ŋkaŋ, emi edorode ke ɔbubɔk aba ye ition, efut ke udim, efut ke udim.

NUMBERS 35:34

Ekunyuŋ esabare isɔŋ emi mbufo eduŋde ke esit, emi ami ntiede enye ke ufɔt: koro ami Jehovah nduŋde ke otu nditɔ Israel.

NUMBERS 19:22

Ndien kpukpru se andidehe otukde eyedehe; ndien ukpɔŋ eke onyuŋ otukde enye, edidi edidehe tutu osim mbubreyo.

EXODUS 25:8

Ndien yak mmɔ enam edisana ebiet enɔ mi, man nduŋ ke otu mmɔ.

EXODUS 29:45

Nyenyuŋ nduŋ ke otu nditɔ Israel, nnyuŋ ndi Abasi mmɔ.

LEVITICUS 14:8

Ndien yak owo emi enamde enye asana, eyet edisine-ŋkpɔ esie, onyuŋ okporo kpukpru idet esie onyuŋ eyet idem esie ke mmɔŋ, man enye edi edisana: ndien enye edi ediduk ke nna, etie ke mkpe esa tent esie ke ofuri usen itiaba.

NUMBERS 5:4

Ndien nditɔ Israel enam kpa ntre, enyuŋ esioŋɔ mmɔ enim ke edem nna. Kpa nte Jehovah ɔkɔdɔhɔde Moses, kpa ntre ke nditɔ Israel enam.

NUMBERS 16:3

Ndien mmɔ esop idem enam ikɔ ye Moses ye Aaron, ekedɔhɔ mmɔ, ete, Eke mbufo ekem ke adaŋa oro: koro ofuri esop kpukpru edide edisana, Jehovah onyuŋ odu ke otu mmɔ ŋko: nsinam ndien mbufo emende idem mbufo ke enyɔŋ ntre ekan esop Jehovah.

LEVITICUS 15:31

Ntem ke mbufo edidianare nditɔ Israel ke ndek mmɔ, man mmɔ ekukpaŋa ke ndek mmɔ ke mmɔ esabarede ebiet-iduŋ mi emi odude ke otu mmɔ.

DEUTERONOMY 23:15

Kuda ofin eke efehede itɔk ɔkpɔŋ andinyene etiene fi, uyak unɔ andinyene: