NUMBERS 5:22 - Edisana ñwed Abasi Ibom

²² Ntem ke mmɔŋ isuŋi emi ebe oduk fi ke nsia, man anam idibi ofut fi, onyuŋ anam ifuhi eyemere fi: ndien yak ŋwan oro ɔdɔhɔ ete, Amen, Amen.

NUMBERS 5:22 Referans Kwoze

ŊWED MME PSALM 109:18

Enye onyuŋ esine isuŋi ke idem nte ekura esie, ndien isuŋi oduk enye idibi nte mmɔŋ, onyuŋ oduk mme ɔkpɔ esie nte aran.

JOHN 6:53

Jesus ɔbɔrɔ mmɔ ete, Ke akpanikɔ ke ndɔhɔ mbufo, Edieke mbufo midiaha obukidem Eyen owo, minyuŋ iŋwɔŋke iyip Esie, mbufo inyeneke uwem ke esit mbufo.

JOHN 3:11

Ke akpanikɔ ke ndɔhɔ fi, nnyin itiŋ se ifiɔkde inyuŋ itie ntiense ibaŋa se ikokutde; edi mbufo ibɔhɔ ikɔ ntiense nnyin.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

EZEKIEL 3:3

Ndien enye ɔdɔhɔ mi, ete, Eyen owo, nam idibi fo adia ikpa-ŋwed emi ami nnɔde fi, nyuŋ sin enye ke nsia fo yɔhɔ. Ndien ami ndia, ndien ŋwed akabare eniŋe mi ke inua nte aran-ɔkwɔk.

MME ŊKE 1:31

Ndien mmɔ eyedia mfri usuŋ mmɔ; eyenyuŋ eyuhɔ ke uduak mmɔ.

ŊWED MME PSALM 89:52

Mbufo ekɔm Jehovah ke nsinsi. Amen ye Amen.

ŊWED MME PSALM 72:19

Enyuŋ ekɔm enyiŋ ubɔŋ esie ke nsinsi: yak ubɔŋ esie onyuŋ ɔyɔhɔ ke ofuri ererimbot.

ŊWED MME PSALM 41:13

Ekɔm Jehovah Abasi Israel, ke nsinsi nsinsi. Amen, ye Amen.

NUMBERS 5:27

Ndien ke enye ama ɔkɔnɔ ŋwan mmɔŋ oro ɔŋwɔŋ, ama ekem, edieke enye akasabarede idem esie, onyuŋ ɔdiɔk ye ebe esie, mmɔŋ isuŋi eyebe oduk enye ke idibi, odoro, ndien idibi eyefut enye, ifuhi eyenyuŋ eyemere enye: ndien ŋwan oro eyekabare edi ata idiɔk isuŋi ke otu mbio-obio mmɔ.

NUMBERS 5:23

Ndien yak oku ewet mme isuŋi emi esin ke ŋwed, ndien ɔsɔhi mmɔ esin ke ndot-ndot mmɔŋ oro;