NUMBERS 4:5 - Edisana ñwed Abasi Ibom

⁵ Ndien ke ini ewuhɔrede nna, yak Aaron ye nditɔ esie edi, edisuhɔre ukara emi okuide, eda enye efuk ekebe ntiense:

NUMBERS 4:5 Referans Kwoze

MME HEBREW 9:3

Ndien ke ebede udiana ukara, Ataya emi ekerede Ata Edisana Ebiet onyuŋ odu;

MATTHEW 27:51

Ndien sese, ukara temple asiaha mbak iba, ɔtɔŋɔde ke enyɔŋ osim ke isɔŋ; isɔŋ onyuŋ enyek;

MME HEBREW 10:20

ke usuŋ oro Enye okonimde ɔnɔ nnyin, kpa obufa ye odu-uwem usuŋ emi ebede ke ukara, oro edi, obukidem Esie;

ISAIAH 25:7

Ndien ke obot emi Enye eyemen iso ufuhɔ-ŋkpɔ emi ofukde ofuri ekondo, ye ɔfɔŋ ufuk-iso emi ofukde kpukpru mme idut.

NUMBERS 10:14

Ɔfɔŋ etak ubom nna nditɔ Judah ebem iso adaha nte mme udim mmɔ edide: ndien Nahshon eyen Amminadab onyuŋ edi etubom ke udim esie.

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

EXODUS 40:3

Ndien sin ekebe ntiense do, nyuŋ kɔŋ ukara ke iso ekebe.

EXODUS 36:35

Ndien enye ada awawa, ye purple, ye ididuot, ye eti edifiak linen, anam ukara: anam enye cherubim cherubim ke ubɔk-usɔ ɔdɔk-ɔfɔŋ.

EXODUS 40:5

Ndien da itie-ufɔp incense o-gold diɔk ke iso ekebe ntiense; nyuŋ kɔŋ ikpehe ke enyin-usuŋ ebiet-iduŋ.

LEVITICUS 16:2

ndien Jehovah ɔdɔhɔ Moses, ete, Dɔhɔ Aaron eyen-uka, ete, Enye okuduk kpukpru ini ke edisana ebiet ke edem ukara, ke iso itie-usio-isop, emi odorode ke enyɔŋ ekebe; mbak enye edikpa: koro nyewut idem mi ke cloud ke enyɔŋ itie-usio-isop.

NUMBERS 4:4

Emi edidi utom nditɔ Kohath ke efe esop, ke ata edisana ŋkpɔ.

NUMBERS 7:9

Edi inɔŋɔ nditɔ Kohath: koro utom edisana ebiet enyenede mmɔ, mmɔ ebiom ke afara.

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

1 SAMUEL 6:19

Ndien enye owot nditɔ Bethshemesh, koro mmɔ ekubɔrede ekebe Jehovah ese, enye owot owo ata ye duop (tɔsin owo aba ye duop) ke otu mbio oro; ndien kpukpru owo etuaŋa, koro Jehovah akamiade mmɔ akamba ufen.

1 CHRONICLES 15:15

Ndien nditɔ mme Levite edori esaŋ ke afara mmɔ ebiom ekebe Abasi, kpa nte Moses eketemede ke uyo Jehovah.

1 CHRONICLES 23:26

mme Levite ŋko inyeneke aba ndibiom efe iduŋ, ye kpukpru ŋkpɔ unam utom esie.

2 CHRONICLES 3:14

Enye onyuŋ anam ukara ke awawa, ye purple, ye ididuot, ye eti linen, onyuŋ anam cherubim ke esit.