NUMBERS 4:32 - Edisana ñwed Abasi Ibom

³² Ye mme obubɔk okure emi akande okuk, ye mme socket mmɔ, ye mme ɔkpɔhɔ mmɔ, ye uruk mmɔ, ye kpukpru ŋkpɔ unam-utom mmɔ, ye kpukpru se mmɔ enamde enɔ mmɔ: ndien mbufo ebat mbiomo mmɔ, ŋkpɔ eke mmɔ ekpemede ke enyiŋ ke enyiŋ.

NUMBERS 4:32 Referans Kwoze

EXODUS 38:21

Emi edi ŋkpɔ ebiet-iduŋ emi ebatde, kpa eke ebiet-iduŋ ŋkpɔ-ntiense, nte ebatde enye ke uyo Moses, utom mme Levite, ke ubɔk Ithamar, eyen Aaron oku.

1 CHRONICLES 9:29

Ndien ŋko edori ndusuk mmɔ, ete ese mkpo-duoho, ye kpukpru edisana ŋkpɔ unam-utom, ye edifɔn ndom uyo, ye wine, ye aran ye frankin-cense, ye edifuɔŋ ŋkpɔ.

NUMBERS 7:1

EDIKEM ke usen emi Moses ama okowuk ebiet-iduŋ oro ama, onyuŋ eyet enye aran, onyuŋ, anam enye asana, ye kpukpru ŋkpɔ unam-utom esie, ye itie-uwa, ye kpukpru ŋkpɔ unam utom esie, onyuŋ eyet mmɔ aran, onyuŋ anam mmɔ esana ama:

NUMBERS 3:8

Mmɔ edinyuŋ ekpeme kpukpru ŋkpɔ efe esop, ye se ekpekpemede enɔ nditɔ Israel, man enam utom ebiet-iduŋ. Da ndien mme Levite nɔ Aaron, ye nditɔ esie:

EXODUS 38:17

Mme socket obubɔk oro enyuŋ edi okpoho; ntok obubɔk ye esaŋ mmɔ enyuŋ edi silver; enyuŋ eda silver efuk mbuot mmɔ: kpukpru obubɔk okure enyuŋ esobo ke esaŋ silver.

EXODUS 25:9

Kpa nte emi ami ŋwutde fi kpukpru ŋkpɔ, kpa mbiet ebiet-iduŋ, ye mbiet kpukpru ŋkpɔ utom esie, kpasuk ntre ke mbufo edinam enye.

NUMBERS 4:31

Ndien se mmɔ edikpemede ndibiom, ke kpukpru utom mmɔ ke efep esop edi emi; mme obukpɔk ebiet-iduŋ, ye mme bar esie, ye mme obubɔk esie, ye socket esie;

NUMBERS 4:33

Emi edi utom mme oruk nditɔ Merari, nte ofuri utom mmɔ asaŋade, ke efe esop, ke ubɔk Ithamar eyen Aaron oku.

NUMBERS 7:8

Onyuŋ ada ukpatŋkpɔ inaŋ ye enaŋ itiaita ɔnɔ nditɔ Merari ke adaŋa utom mmɔ, esin ke ubɔk Ithamar eyen Aaron oku.

EXODUS 27:9

Ndien ŋko nam okure ebiet-iduŋ: ke eke ŋkaŋ edem usuk, nam ikpehe okure ke eti edifiak linen, ɔniɔŋ ibio idomo-okuk ikie ke ŋkaŋ kiet oro:

NUMBERS 3:36

Ndien yak nditɔ Merari ese enyuŋ ekpeme mme obukpɔk ebiet-iduŋ, ye mme bar esie, ye mme obubɔk esie, ye mme socket esie, ye kpukpru ŋkpɔ unam-utom esie, ye kpukpru se mmɔ enamde ke esit,

NUMBERS 4:49

Ke uyo Jehovah ke ekebat mmɔ ke ubɔk Moses, esin kpukpru owo ke utom mmɔ, ye mbiomo mmɔ, ye ŋkpɔ eke ebatde enɔ mmɔ, nte emi Jehovah eketemede Moses.